Ek Saanj Maitritali PremataliBRONATO.com, 2020 M07 1 आयुष्य…आपलं जगणं यात खूप काही सामावलेलं असतं. आयुष्यातले सुखद क्षण आठवणींमध्ये रमलेले मन, भावनांचा कधीतरी झालेला उद्रेक, विचारांचे वादळ, प्रेम, आपुलकी, जिव्हाळा यांनी बांधलेली नाती, विरह…. आसक्ती, या सर्व गोष्टींना कारण असतं ते प्रेम… अन मैत्री….! आपल्या आयुष्याला दिशाही देतं अन कधी कधी आपली दिशाभूल करतं अगदी स्वप्नांच्या दुनियेत जगावं असं आयुष्य आपण मैत्रीत… प्रेमात जगत असतो. सुखाचा आनंदाचा, जाणिवांचा विरहाचा परमोच्च बिंदू या नात्यांमध्येच जाणवतो. हृदयाच्या ठोक्यांना अर्थ प्राप्त करून देतात. डोळ्यातून ओघळणाऱ्या अश्रूंना मोत्यांचं रुपडं देतात. मनातल्या विचारांना, मनातल्या आर्त स्वराला कागदावर शब्दरुपात व्यक्त करतात. या शब्दांना प्रेमाची, मैत्रीची जोड असते जणू काही शब्दच यांची सावली असतात. याच प्रेमातल्या… मैत्रीतल्या भावनांना शब्दांमध्ये गुंफण्याचा प्रयत्न केला आहे. ‘एक सांज… मैत्रीतील.. प्रेमातली’ या काव्य संग्रहाची पहिली आवृत्ती तुमच्यासमोर घेऊन येत आहे. मैत्री… प्रेम या भावनांना आणि त्यामुळे आपल्या आयुष्यात घडणाऱ्या वादळांना, जाणिवांना, कल्पनांना माझ्या शब्दात आपल्यासारख्या रसिक वाचकांसमोर प्रामाणिकपणे साधा सरळ प्रयत्न केला आहे. आशा करतो आहे कि रसिक वाचक या काव्यापुष्पाचा स्वीकार करतील. कवी अर्चित |