DECIMI JUNIT JUVENALIS SATIRAE AD CODICES PARISINOS RECENSITAE LECTIONUM VARIETATE ET COMMENTARIO PERPETUO ILLUSTRATAE A NIC. LUD. ACHAINTRE. ACCEDUNT HADR. ET C. VALESIORUM NOTAE ADHUC INEDITAE. PARS ALTERA. PARISIIS SUMPTIBUS ET TYPIS FIRMINI DIDOT. MDCCCX. 'D. JUN. JUVENALIS VITA, Quæ vulgo tribuitur SUETONIO (*), ex cod. Alexandrino fideliter expressa. JUNIUS JUVENALIS, libertini (1) locupletis, incertum filius, an alumnus (2), ad mediam fere ætatem decla et, (*) Hanc Juvenalis vitam omnes fere critici Suetonio tribuunt: reipsa, Suetonium librum scripsisse de vitis poëtarum constat ex Isidor. Origg. VIII, 7 : attamen aliqui merito in dubium adduxerunt, num vitæ Juvenalis auctor esset idem. Qui illud opus Suetonio assignant, ex stylo et tempore auctoritatem sumunt, inter quos præcipue Salmasius in commentario, qui legitur in ejus exercitt. Plinianis ad Solini cap. 32 (vid. infr. p. 6). Sed leve est istiusmodi argumentum ex stylo et tempore ductum, præsertim in comparatione tam brevis scripti, nec infirmare valet rationes eorum, qui idem opus a Probo, vel ab antiquo alio grammatico profectum esse contendunt. Vix enim credendum est Suetonium Juvenali coævum, tam pauca, tamque incerta traditurum fuisse. Ne compertum quidem habuit, num poëta libertini locupletis filius fuerit, an alumnus. Exilii Juvenalis causa, tempus, et mortis annus ambiguis verbis et parum lucidis notantur; quæ certe Suetonius neque ignorare poterat, neque lectorem celare in animo habebat. Quisquis vero auctor fuit hujus vitæ, ea saltem cæteris omnibus antiquior est, et fide dignior. In multis codicibus, non integra quidem, sed vel plenior, vel contractior invenitur. Hujus vero versionem ex cod. Alexandr. no 2029, antiquissimo et optimo inter nostros, recepimus. In cod.autem Puteano non reperitur. (1) Libertini.] Quidam codd. habent liberti. Mendose. (2) Alumnus. ] Post hanc vocem, in codice Vossii hæc sunt addita: ex Aquino Volscorum oppido oriundus, temporibus Claudii Neronis. 526120 |