41. 'And wha has kill'd the master kid

That ran aneath that ladie's bed?

42. 'And wha has loosed her left-foot shee And letten that ladie lighter be?'

43. Syne Willy has loosed the nine witch-knots That was among his ladie's locks:

44. And Willy's ta'en out the kaims o' care That hang among his ladie's hair:

45. And Willy's ta'en down the bush o' woodbine That hang atween her bower and thine:

46. And Willy has kill'd the master kid That ran aneath his ladie's bed:

47. And Willy has loosed her left-foot shee, And letten his ladie lighter be.

48. And now he's gotten a bonny young son, And mickle grace be him upon!

THE QUEEN OF ELFLAND'S NOURICE

I. 'I HEARD a cow low, a bonnie cow low,
And a cow low down in yon glen:
Lang, lang will my young son greet
Or his mither bid him come ben!

2. 'I heard a cow low, a bonnie cow low,

And a cow low down in yon fauld: Lang, lang will my young son greet Or his mither take him frae cauld!'

3. The Queen of Elfland's nourice
She sits and sings her lane
'Waken, Queen of Elfland,
And hear your nourice moan.'-

Or moan ye for your fee,

Or moan ye for the ither bounties
That ladies are wont to gie?'—

5. 'I moan na for my meat,
Nor moan I for my fee,

Nor moan I for the ither bounties
That ladies are wont to gie.

6. 'But I heard a bonnie cow
Low down in yonder fauld
And I moan for my young son
I left in four nights auld.

7. 'I moan na for my meat, Nor yet for my fee;

But I moan for Christen land;

It's there I fain would be.'

8. 'O nurse my bairn, nourice,
Till he stan' at your knee,

An ye's win hame to Christen land
Whar fain it's ye wad be.

9. 'O keep my bairn, nourice,
Till he gang by the hauld,

An ye's win hame to your young son
Ye left in four nights auld.

10. 'O nourice lay your head
Here upo' my knee:

See ye not that narrow road
Up by yonder tree?

II. 'See

ye not the narrow road By yon lillie leven?

That's the road the righteous goes

And that's the road to heaven.

12. 'An' see na ye that braid road Down by yon sunny fell?

Yon's the road the wicked gae,

An' that's the road to hell.

13. An' see na ye that bonny road About the fernie brae?

That wins back frae Elfland

Where you must wait to gae.

LADY ISABEL AND THE ELF-KNIGHT

1. MY plaid awa', my plaid awa',

And o'er the hill and far awa’;
And far awa' to Norrowa',

My plaid shall not be blown awa'l

2. Lady Isabel sits in her bower sewing,
Aye as the gowans grow gay

She heard an elf-knight his horn blawing,
The first morning in May.

3. The elf-knight sits on yon hill,

He blaws his horn baith loud and shrill.

4. He blaws it east, he blaws it west,
He blaws it where he lyketh best.
5. 'I wish that horn were in my kist,
Yea, and the knight in my arms niest.'

6. She had no sooner these words said,
When that knight came to her bed.

7. 'Thou art owre young a maid,' quoth he, 'Married with me thou ill wouldst be.'

8. 'I have a sister younger than I, And she was married yesterday.'—

9. 'Married with me if thou wouldst be, A courtesie thou must do to me.

10. 'For thou must shape a sark to me Without any cut or hem,' quoth he:

II. 'It's ye maun shape it knife-and-shurlesse, And also sew it needle-threedlesse.

12. 'And ye maun wash it in yonder well, Where the dew never wat nor the rain never

fell.

13. 'And ye maun dry it upon a thorn

That never budded sin Adam was born.'

14. 'Now sin ye have asked some things o' me, It's right I ask as mony o' thee.

15. 'My father he ask'd me an acre o' land Between the saut sea and the strand.

16. ‘And ye maun are it wi' your blawin' horn, And ye maun sow it wi' pepper corn.

17. 'And ye maun harrow it with ae tyne, And ye maun shear it with ae horse bane.

18. And ye maun stack it in yon mouse-hole, And ye maun thresh it in yon shoe-sole.

19. 'And ye maun winnow it in your loof, And ye maun sack it in your glove.

20. 'And ye maun bring it owre the sea, Fair and clean and dry to me.