gat, muniat, sustentet. Valete, optimi viri, et me candida vestri interpretatione dignum habetote.

Dignitatis vestræ studiosissimus,

Kalendas Januarias 1618.

Jo. ARGALL.

PROPOSAL TO DRAIN THE FENS.

LETTER OF THE UNIVERSITY.

[From MS. Sloan. no. 3562, fol. 89.]

HONORATISSIME domine, quam necessarius academiæ et villæ Cantebrigiæ sit certus adjacentis fluminis ad navigationem decursus, quam utilis a maritimis oppidis rerum importatio, majores nostri loci commoditate et nos posteri longo usu experti sumus. Jamdiu nobis campestria habitantibus in tanta sylvarum inopia ligna (haud mirum) defecerunt; mare tantum ut pisces, ita et focalia; magnoque naturæ miraculo, aquæ solæ ignis copiam suppeditarunt, terrasque ipsas fluminis beneficio transvectas adurere cogimur ad coquenda alimenta. Neque scimus quid majus nobis invidere possunt, qui elementa, quæ natura omnibus communia esse voluit, ad privatam utilitatem auferre nituntur; hæ sunt (illustrissime heros) communis matris academiæ, hæ Musarum lacrimæ, dum Chami ripas alveosque exsiccandos et prospiciunt et tremunt. Exhaurienda flumina, exsiccandæ paludes, ut Chamus noster, literarum et literatorum tam benignus tam antiquus pater, non rugas modo sed ripas aridas ostendat. Quid enim aliud moliuntur qui eundem vix uno alveo navigationem sufficientem in varios rivos deducere nituntur; qui confingunt invehenda æquora ad supplementum, quorum violento impetu et recursu tanto magis alvei relinquentur aridi? Cum enim tot meandris et tam vago huc illuc decursu, vix aquæ ne

subito defluant detinentur; breviori transitu et multiplici necesse est ut celerrime diffugiant. Istis querelis, isto metu, Musæ nostræ tuum implorant auxilium, tuaque illa appellant, quæ reliquæ mortalitatis fastigia superant bonitatem, justitiam, prudentiam, ut communi matri opem ferant; tua virtute adhuc res nostræ salvæ sunt, metusque nostri vani extiterunt, dum illa imperfecta manent opera, quorum opere tot mortales tanta persensuri sunt damna. De præterita gratia immortales gratias agimus, humillime pro futura obtestamur; ut apud te Musæ nostræ gratiam et subsidium inveniant, neque cogamur lacrimarum effundere oceanum, quibus nihil fluminis relinquetur; quicquid de nobis fiat, tibi pro tua summa bonitate gloriæ immortalitatem summamque vitæ felicitatem precamur, qui ita vivere desideramus ut perpetuo simus

Amplitudini tuæ devotissimi, etc.

Cantebr. Maii 4o, 1619.

THE UNIVERSITY TO SIR ROBERT NAUNTON.

[From MS. Sloan. no. 3562, fol. 90.]

Honoratissimo viro domino Roberto Naunton, equiti aurato, regiæ majestati a secretis, a consiliis, amico nostro longe optimo. VIR honoratissime, eximia tua in nos merita frequentiorem calamum postulant, si tantum honori tuo superesset otii ad legendum quantum a nobis ad scribendum, cum humanitatis tuæ tum gratitudinis nostræ ratio impetrat; sed veremur ne literæ nostræ animo tuo tot negotiis meritissime districto, tempore non suo obrepant, tibique, non tam avide veterum beneficiorum memoriam recolenti quam cogitanti nova, improbe molestiam creent: quare conjunximus nunc officia nostra tuosque favores, temporibus et diligentia divisos, in gratiis agendis copulavimus: nam duplicem illam curam tam de conservando fluvio nostro quam de muniendis

contra grassantes flammas ædificiis, honori tuo acceptam ferimus, plurimumque suscipimus cumulum amoris tui, qui utrumque curasti ut neque sitirent Musæ nec flagrarent: quod si tam integrum tibi esset gratificari nobis in terra et aere quam in igne et aqua fecisti, non dubitamus quin benignitas tua omnia elementa percurreret. Tu vero macte honoribus, gloria: nostra enim interest ut hoc precemur, quoniam aut misere fallimur, aut de nullo unquam filio alma mater tantum sibi quantum de te polliceatur.

Honori tuo addictissimi,

Procancellarius reliquusque senatus Cantabrigiensis. Dat. e frequenti senatu nostro, 21 die Octob. 1619.

THE UNIVERSITY TO SIR GEORGE CALVERT.

[From MS. Sloan. no. 3562, fol. 90 vo.]

Honoratissimo viro domino Georgio Calvert, equiti aurato, regiæ majestati a secretis, a consiliis, amico nostro singulari.

VIR honoratissime, virtutes tuæ ad tantum fastigium evectæ, quasi e speculo honoris circumspiciunt quærentes materiam ubi se exerceant: ecce innotuere jam nobis duplici beneficio. Nam cum aggressi sint aliqui intercipere fluvium nostrum, per quem vicinæ regionis opulentia fruimur, occurristi tu illorum inceptis, et Chamum restituens pristino cursui, nos omnes, præ timore tanti incommodi deficientes, aqua, quod aiunt, suffudisti. Pergunt favores tui, promovent se ad ignem, a quo cum male metueremus, eo quod bis uno in anno proruperit, tu ædes oppidi stramineis tectis interdicendas curasti, adeo ut Musæ, utroque nunc metu liberatæ, ad prædicandum illustrium virorum laudes, eorumque memoriam posteris tradendam, tutius se alacriusque conferant; quorum tu numerum merito augebis, cum æquissimum sit, ut humanitatem tantam fama compensandam prospiciamus. Interim gratulamur nostra in te

felicitate, qui in aula regia invenimus talem amicum, cujus gratia præsidio sit nobis, virtus ornamento.

Honori tuo devinctissimi,

Procancellarius reliquusque senatus Cantabrigiensis.

Dat. e frequenti senatu nostro, 21 die Sbris 1619.

DECREE OF THE HEADS.

Oct. 10, 1619. Only 3 daies non-term on the death of a gremial. DECRETUM est per dominum procancellarium et præfectos collegiorum quorum nomina subscribuntur, quod deinceps post mortem gremialis cujuscunque per triduum tantum sit non-terminus et vacatio a lectionibus et exercitiis scholasticis, secundum antiquum statutum de exequiis ex hac parte provisum. Quod si quis funebrem sollennitatem observari pro defuncto desideret, ut diem postea ad funus destinatum petat, et habeat ad assignationem domini procancellarii.

Jo. GOSTLIN, procan.
Jo. RICHARDSON.

Jo. DAVENANT.

SAM. COLLINS.

L. CHADERDON.

VAL. CAREY.

ROG. ANDREWS.

SAM. WARD.

OEN GUINN.

LEON. MAWE.

HIERON. BEALE.

ROB. SCOTT.

JOH. HILLS.

SAM. WALLSALL.

THE UNIVERSITY TO SIR R. NAUNTON.

[From MS. Harl. no. 7030, fol. 504.]

Ad R. Naunt. burgen. elect. 13 Jan. 1620.

HONORATISSIME domine, tam eximie de nobis meritus. es, ut res nostras omnes cum honore tuo conjunctas esse

velimus: quare frequentissimo senatu plenissimis suffrag iis elegimus te tribunum parlamentarium, nos nostraque omnia privilegia, fundos ædificii, universam Musarum supellectilem, etiam fluvium, non minus de præterito gratum quam de futuro supplicem, integerrimæ tuæ fidei commendantes. Magna est hæc, neque quotidianæ virtutis provincia, gerere personam academiæ, omniumque artium molem et pondus sustinere; sed perspectissimus tuus in nos amor præstantissimæque animi dotes effecerunt, ut alma mater libentissime caput reclinet in tuo sinu, oculusque reipublicæ postquam circumspiciens reperisset te, quasi in tuis palpebris acquiescat. Quare nos omnes ad prudentiæ eloquentiæque præsidium festinantes excipe: antiquitas præripuit tibi gloriam extruendæ academiæ, reliquit conservandæ. Deus faveat tibi, et concedat ut terrestres tui honores cum cœlestibus certent et supplentur.

Ex libro orat. G. H. Oratore.

PERSECUTION OF THE WRITINGS OF PAREUS.

THE PRIVY COUNCIL TO THE HEADS AND PROFESSORS.

[From MS. Harl. no. 7040, p. 225.]

A copy of a letter sent to the University from the privy councell by his majestys direction.

To our very loving friendes, the vice-chancellor, the heades of colleges, and the public readers of the University of Cambridge, and to all and every of them.

AFTER our very hearty commendations: whereas there was a wicked sermon preached the last Lent in the University of Oxford by one Knight, an unadvised young man, tending to no less than sedition, treason, and rebellion against princes; and being called in question for the same,