rogandæ benevolorum hominum famæ plurimum inserviat, et aliorum beneficentiæ in posterum exercendæ clarissimum exemplum præbeat, tanquam virtutis et præteritæ præmium et futuræ incitamentum: placet vobis, ut, ad supremi numinis majestatem venerandam, ad beneficorum et liberalium hominum memoriam ab interitu asserendam, et academiæ gratitudinem in perpetuum testificandam, in die dominico qui ante tertium Novembris proximus est, sollennis et anniversarius omnium ordinum academicorum conventus in ecclesia B. Mariæ ad horam nonam indicatur; et inter divinorum officiorum sollennitates, eodem ordine quo in privatorum collegiorum commemorationibus per statuta academiæ præscribuntur observatas, extraordinarius aliquis concionator (ex delectu et arbitrio procancellarii ad hoc munus pro tempore assignatus) concionem habeat: ut, post finitam hujusmodi concionem, fundatorum ac benefactorum nomina aperte atque singulatim ab eodem recitentur, nec non et beneficiorum multitudo simul atque amplitudo quibus academiam hanc nostram vel adauxerint vel exornaverint in publicum proferantur: ut, quicunque in futurum eodem studio, eadem animi benignitate academiæ Cantab. utilitatem ac dignitatem promovebunt, eundem apud nos honorem, eandem nominis celebritatem exinde consequantur: ut, nullo ad matutinum concionandi officium, ordinario cursu, illo die nominato, conscripta atque usitata concionatorum series inoffenso ordine progrediatur: ut venerabiles viri D. procan., D'. Ward, Dr. Cumber, Dr. Lany, et Dr. Stern, una cum Mro. Molle oratore, Mro. Hutton et Mr. Greenhagh procuratoribus, et Mro. Honywood, sive hi omnes, sive horum quinque vel quatuor, huic negotio exequendo proficiantur; qui, auctoritate vestra communiti, acta publica revolvant, archiva consulant, prædicta nomina beneficiaque exscribant, colligant, et in ordinem disponant, eorumque numerum ac recensionem manibus suis subsignatam ante festum sancti Lucæ proxime secuturum hic in plena congregatione vobis repræsentent: ut, hæc ipsa personarum ac beneficiorum enumeratio quotannis in die dominico, ante magna comitia proximo, ab antemeridiano concionatore post absolutam sermonem pronuntietur, omissa tamen illo tempore sacrorum prædictorum celebratione: ut nulli itidem eodem die ad vices concionandi consueto modo designentur; sed penes solum procancellarium potestas semper sit duos ex inceptoribus aut baccalaureis in theologia ejusdem anni vel alios quosvis pro arbitratu suo prospiciendi, qui illo die concionandi officio tam ante quam post meridiem defungantur. Placet etiam vobis, ut hoc decretum vestrum post prædicta benefactorum nomina collecta et vobis repræsentata statuti vim ac locum obtineat, et intra decem dies procancellarii atque procuratorum libris inseratur. Recensio autem benefactorum a procancellario et cæteris supra nominatis collecta atque in ordinem digesta, manibusque suis subsignata, in plena congregatione per eundem procancellarium recitata fuit 10° Oct. 1640; et repetita (sermone vulgari) 17° ejusdem mensis. COMMEMORATION OF BENEFACTORS. BENEFACTORS TO THE UNIVERSITY OF CAMBRIDGE. [From MS. Cole, vol. xlvii. p. 406.] COMMEMORATIO benefactorum in alma Universitate Cantabrigiæ quotannis in ecclesia Beatæ Mariæ majoris, die dominico tam ante magna comitia quam ante tertium Novembris proximo, per concionatorem utriusque diei antemeridianum solenniter recitanda. Ad finem concionis subjungat: Quod autem officii nunc nostri ratio postulat, quodque ex communi et religiosissimo totius senatus academici decreto nobis hodie præscriptum est, immolemus Deo optimo maximo devotissimas gratiarum victimas pro clarissimis istius almæ Universitatis fundatoribus et benefactoribus nostris universis, qui, supra communem mortalium sortem sese efferentes, vires et facultates suas ad supremi numinis gloriam ac ad eruditionis et Christianæ religionis incrementum magna nobis munificentia et pietate impenderunt, ipsamque hanc nostram academiam quamplurimis insuper beneficiis et privilegiis exornarunt. In hisce jure merito chorum ducunt serenissimi nostri reges et principes. Inprimis, vir per omnia gloriosissimus, Sigebertus, Orientalium Anglorum rex, qui academiam nostram vel primus fundavit vel eam, penitus per injuriam superiorum temporum fractam et deletam, restituit, ex consilio Felicis Burgundi, primi eorundem Orientalium Anglorum episcopi, circa annum Domini DCXXxm; deinde nobilissimus rex Merciorum Offa, Carolo magno imperatori contemporaneus; illustrissimus regni monarcha Aluredus, ejusdemque filius rex Edwardus senior, dilectissimus cleri nutritor, amator, et defensor: quorum principum favoribus ac pietate effectum est ut nunquam defecerint in Britannia viri eruditissimi, qui tanquam doctrinarum rivuli ab isto fonte decurrentes non Angliam modi sed et Galliam Germaniamque suavissimo disciplinarum nectare perfuderunt. Secuti sunt alii magni bonique principes, Henricus ejus nominis III. Edwardus I. II. III. Richardus II. Henricus IV. v. et vi. magnificentissimus fundator Collegii Regalis, una cum Edwardo IV. Henrico VII. et VIII. Edwardo vi. regina Maria et beatissimæ memoriæ Elizabetha, præter gloriosissimum monarcham Jacobum et gratiosissimum dominum nostrum (sub cujus umbra vitalem hanc auram haurimus) regem Carolum; quorum omnium summæ benignitati et munificentiæ post Deum optimum maximum immunitates nostras universas et amplissima privilegia (quibus ad hunc usque diem utimur et fruimur), centum et triginta plus minus chartis contenta ac in archivis academiæ reposita, accepta debemus. Fundatio sive restitu tio academiæ Ao Xi 630. Libertates et privilegia eidem con cessa. prælectionum Sed et horum nonnulli alia insuper egregia suæ beneficentiæ monumenta nobis reliquerunt. Edwardus Imus per literas suas patentes primum hic apud nos collegium fundari permisit, ad cujus laudatissimum exemplar reliqua postea feliciter subsecuta sunt. Regina ejusdem regis consors Eleanora centum marcas nobis elargita est. Henricus VII. quo tempore ad Universitatem accessit centum itidem marcarum donarium eidem contulit, una cum annua pensione decem librarum pro solenni et anniversaria sui commemoratione in perpetuum. Henricus VIII. appropriavit nobis rectoriam de Burwell, et amplissimam concessit licentiam omnimodos imprimendi libros. Regina Elizabetha statuta edidit quibus hodie regimur, et de reditu nostro frumentario quo præsertim sustinemur per actum parliamenti providit. Præterea rex Jacobus prælectionibus nostris theologicis rectorias de Somersham et Terington in perpetuum annexuit, et per statutum regni jus nobis ac potestatem concessit ut ad omnia ecclesiastica beneficia quæ per 27 comitatus Angliæ ad recusantium convictorum patronatum spectant idoneos clericos præsentemus. Denique serenissimus et clementissimus rex noster Carolus, præter alia quamplurima quæ cum omni gratia et benignitate subinde nobis. præstat beneficia, publicam nostram typographiam a quibusdam impetitam per literas suas patentes amplissime stabilivit. Fundatores Succedit regibus nobilissima heroina domina Margareta, publicarum. illustrissimi regis Henrici VII. mater, Richmondiæ et Derbiæ comitissa, quæ huic academiæ multipliciter benefecit. Præterquam enim quod duo hic insignia fundavit Christi et S. Joannis Collegia, quæ nomen ejus æternitati consecrarunt, instituit etiam prælectorem theologicum una cum publico academiæ concionatore, quorum utrique salarium suum assignavit, huic enim libras decem, illi vero 20 marcas (sed ad totidem libras postea per academiam adauctas) annuatim donavit. Sub idem tempus clarissimus vir Thomas Linacer, medicinæ doctor et Arthuri principis præceptor, annuum itidem 20 marcarum stipendium prælectori medico largitus est; sed postea Henricus VIII., Collegii S. Trinitatis fundator augustissimus, tum ejusdem medicinæ, tum singulis theologiæ, juris civilis, linguæ Hebraicæ et Græcæ professoribus pensionem 40 librarum annuatim constituit. Eodem tempore claruit vir dignissimus Robertus Read, eques auratus et fori judicialis placitorum primarius judex, qui pro annuis prælectorum rhetoricæ, dialecticæ, et philosophiæ stipendiis viginti marcas in perpetuum elargitus est. Honoratissimus etiam dominus Gulielmus Maynard, baro de Eastaynes, non ita pridem alium prælectorem logicum instituit, eique honorificum simul 50 librarum stipendium singulis annis persolvendum annexuit; præclaro admodum consilio et exemplo quem post octennium secutus est illustris dominus baro de Brook, qui lecturam fundavit historicam, cui stipendium centum librarum quotannis numerandum munificentissime contulit. Subsecuti sunt specta biles viri, Thomas Adams, civis et aldermannus Londinensis, fundator prælectionis Arabicæ, cui 40 libras annuatim donavit; Henricus Spelman, eques auratus, vir omnium antiquitatum scientissimus, institutor prælectionis historiæ linguæque Saxonicæ, cui ecclesiam de Middleton in comitatu Norfolciæ una cum impropriata ibidem jamdiu rectoria annectendas curavit; et præclarus miles dominus Edwinus. Sandys, qui mille nobis libras ad ordinandam posthac prælectionem metaphysicam per testamentum suum legavit. publicarum Scholarum structura quæ quadratum nunc exhibet non Fundatores unos eosdemque agnoscit fundatores. Latus occidentale, scholarum. quod scholas dialecticas et rhetoricas complectitur, Auberius de Vere comes Oxoniensis, Thomas Percie comes Wigorniensis, et Humfridus Plantagenet dux Glocestriæ ac comes Pembrochiæ, una cum professoribus et auditoribus utriusque juris, sumptibus suis collocatis excitarunt. Regnante Edwardo III. schola theologica per communes aca |