Baturicus Epus Ratisbon. cum abbate Sigimodo concambiat, et concam

bium rursus rescindit.

Pez l. c. 209.

Postquam orthodoxus Vir, Sanctae Memoriae Baturicus Episcopus et Sigismundus Abbas mutua inter se conventione facta tale concambium fecerunt, ut idem venerabilis Praesul ipsi Abbati in beneficium concambii concesserit servos, quos habebat ad Perindorf, et Abbas è contra donavit, quod ille possidebat iuxta fluenta Labarae; Contigit ex parte Sigismundi, ut servi, quos ipsi Episcopus in concambium dedit, injuriam sustinerent, et saepe reclamarent ad praefatum Pontificem. Quamvis haec mitis idem audiret Episcopus, voluit tamen dissensionem devitare, et ad ipsum Abbatem loqui rogavit, ut iniuste contumeliam non paterentur servi ab eo, quos in concambium accepit: sed tamen nullo modo illud emendare volebat. Dum haec ita se haberent, Baturicus Epus iuxta rationem condignam non ferens animo iniuriae causam serverum suorum, venit cum amicis et hominibus ad supra nominatum Vicum obviam ipsi Abbati; et cum sedissent, facto silentio cum convenientia Baturicus Praesul reddidit prior eidem abbati cum ferula sua concambium, quod ab eo accepit, et abbas cum baculo suo eodem modo reddidit Epo Concambium, quod cum illo gesserat. Et sic placitum quandoque se habere condixerant, ut si quando quid inter se de causis ipsis quaerere voluissent, hoc tunc in caput constituissent. Ibi fuerunt praesentes Otto, Kamanolf, Rodolt, Suuarzloh, Pillunc, Uzant, Cundheri, Pern, Erchanpold, Jacob, Marcho et alii. Actum est in Vico supra scripto, anno domini 829.

Num. XXV. 830. 18 Augusti.

Ludovicus Rex Germaniae quandam Praestariam inter Baturicum Epum Ratisbon. et Erchanfridum Capellanum suum Ratisbonae in suo Palatio confirmat.

Pez l. c. 13. Hundii Metrop. I. 150. Edit. Ratisbon.

In nomine domini nostri Jesu Christi, dei omnipotentis, Hludouuicus divina largiente clementia Rex Baioariorum. Si petitionibus fidelium nostrorum, quas auribus nostris insinuaverint, libenter annuimus et eas in dei nomine ad effectum perducimus, et regium morem decenter implemus, et illos in nostro servitio promptiores reddimus. Idcirco comperiat industria atque utilitas omnium fidelium nostrorum, praesentium scilicet et futurorum, quia Erchanfridus diaconus, *) atque Capellanus noster, nec non et propinquus suus Baturicus obtulerunt obtutibus nostris quandam cartam praestariam, in qua continebatur, qualiter Baturicus Epus praestitisset eis ad usum meritum quasdam res ex ratione Monasterii sui sancti Emmerami, quasdam idem Erchanfridus ex suo proprio eidem largitatis munere contulerat monasterio, nec non et alias ex ratione eiusdem monasterii eis ad usum meritum diebus vitae eorum concessisset, quae sunt utraeque res in Villa, quae dicitur Hruchinga, quae alio nomine Folinchova vocatur, etiam et in alio loco, qui dicitur Buchusa cum mancipiis, casis, domibus, aedificiis, terris, pratis, pascuis, silvis, aquis aquarumve decursibus, cum omnibus, quae in praedictis locis tam-ex praedicti Erchanfridi donatione, quam et ex ratione eiusdem Monasterii habere videbatur, nec non et in alio loco, qui dicitur Alinchova hobam unam, et deprecatus est excellentiam nostram, ut super hanc Praestariam Confirmationis nostrae praeceptum fieri iuberemus, per quod diebus vitae eorum firmius et quietius absque alicuius contrarietate ipsas res tenere et possidere valerent. Quorum petitionibus libenter annuimus, et hanc auctoritatem confirmationis nostrae eis fieri iussimus, per quam praecipimus atque iubemus, ut diebus vitae eorum ipsas res teneant et possideant, et nullus quilibet Ecclesiastica dignitate praeditus, aut alius quilibet eis de ipsis rebus ullam inquietudinem aut contrarietatem facere praesumat, sed liceat illis, sicut diximus, diebus vitae eorum usu fructuario ordine tenere et possidere, et post eorum amborum discessum cum integritate in potestate et dominatione praedicti Monasterii revertantur. Haec vero auctoritas praeceptionis nostrae ut firmior habeatur, et a fidelibus nostris melius conservetur, annuli nostri impressione subter eam iussimus adsignari.

Data XV. Kal. Septembris domino nostro propitio, XVIII. imperii domini Hludouuici serenissimi Augusti, anno VI. regni nostri, indictione IX. Actum Regenespurch in Palatio nostro in dei nomine amen.

Num. XXVI. 830. 6. Octob. Ex Originali.

Rex Ludouicus donat ss. Petro et Emmeramo seu Ecclesiae Ratisbonensi - cui Epus Baturicus praeest - res proprietatis suae in Austria (Oppidum Pechlariense cum tractu) scilicet locum, ubi antiquitus fuit Castrum Herilungoburch cum reliquis adiacentiis in circuitu, quarum rerum termini describuntur.

1

In Nomine Domini nostri Jesu Christi, Dei Omnipotentis, Hludouuicus divina favente gratia rex Bajoariorum. Si liberalitatis nostrae munere de beneficiis, à Deo nobis collatis, locis Sanctorum quiddam conferimus, id nobis procul dubio ad aeternae remunerationis praemia capessenda profuturum liquidò credimus. Proinde comperiat omnium fidelium Sanctae Dei Ecclesiae, nostrorumque, praesentium scilicet et futurorum industria, quia nos pro mercedis nostrae augmento concessimus Sanctae Reginesburg. civitatis Ecclesiae, quae est constructa in honore S. Petri, Principis Apostolorum, et S. Emmerami, ubi etiam idem beatissimus martyr Christi corpore quiescit humatus, cui praesenti tempore venerabilis Baturicus Episcopus, auctore Deo praeesse videtur, quasdam res proprietatis nostrae, quae sunt in provincia Avarorum, id est locum, ubi antiquitus castrum fuit, quod dicitur Herilungoburch,*) cum reliquis adjacentiis in circuitu, quarum terminia sunt ab eo loco, ubi Erlaffa in Danubium cadit, sursum per ripam ejusdem fluminis usque ad locum, qui dicitur Erdgastegi, et ab eodem flumine in orientali parte usque in medium montem, qui apud Vuinades Colomezza **) vocatur, ubi in duabus arboribus evidentia signa monstrantur, et ab eo loco, à parte Aquilonis usque in Danubium, et ad meridiem et occidentem per verticem montis, sicut evidentia arborum signa demonstrant, usque ad supradictum locum Erdgastegi. Has itaque res cum Sclavis ibidem commanentibus, cum domibus, aedificiis, terris cultis et incultis, pratis, pascuis, silvis, aquis, aquarumve decursibus, adiacentiis, perviis, exitibus et re

*) Harlungeburch, hodie Harlanden, quae villa ab oppido Pechlariensi circiter dimidia hora in meridiem distat. R. P. Hieron. Pez. Tom. II. Scriptorum Austriae Dissert. II. pag. XXIII.

**) Hodie Kalmünzberg S. Ottiliae, Ecclesia insignis ab oppido Pechlariensi circiter tribus et dimidio milliaribus in occasum distans. R. P. Hieron. Pez. Tom. II. Script. Austriae. Dissert. II. pag. XXIII.

1

pressibus, quantumcunque infra praedicta terminia continentur, totum et integrum praedictae Ecclesiae perpetuò ad habendum concessimus, et de nostro jure in jus et dominationem ejus liberalitatis nostrae munere contulimus, ita videlicet, ut ab hodierno die et tempore, quicquid de praedictis rebus, et mancipiis Rectores, et ministri memoratae sedis ob utilitatem et commoditatem ejusdem Ecclesiae facere, vel judicare voluerint, libero in omnibus perfruantur arbitrio, faciendi quicquid elegerint. Et ut haec largitionis nostrae auctoritas per curricula annorum inviolabilem, atque inconvulsam obtineat firmitatem, manu propria subter eam firmavimus, et annuli nostri impressione signari jussimus.

Signum Hludouuici Gloriosissimi Regis. (Monogramma.)

:

Adalleodus Diaconus ad uicem Gauzbaldi recognovi.

† Hludouicus rex.

Data II. Non. Octobris Anno XVIIII. Imperii Domni Hludouuici Pii Serenissimi Augusti, et Anno VII. Regni nri indictione XI. Actum Reginesburg Civitate in Dei nomine feliciter Amen.

Sigillum intus impressum illaesum extat.

Num. XXVII. 831. 13 Febr.

Ludovicus Rex Monasterium Obermunster Hemmae Reginae uxori, et Baturico Episcopo Ratisbonensi Monasterium Monseense concedit et confirmat.

Ex Mon. boic. XI. 18. Pez. l. c. 14.

In Nomine Sanctae, et individuae Trinitatis, Hludouuicus divina favente gratia Rex. Notum sit omnibus Sanctae Ecclesiae fidelibus nostrisque, praesentibus scilicet et futuris, qualiter clarissima conjux nostra Hemma, unacum caeteris nostris fidelibus, nostram serenitatem deprecata est, ut quandam commutationem cum Batricho venerabili Sanctae Ecclesiae Kegenesburgensis Episcopo faceremus, hoc est, ut supra memorata karissima conjux nostra Monasterium in eadem civitate, quod dicitur Oberunmunestri, in quo sanctaemoniales faeminae Deo famulari noscuntur, et quod praefatus venerabilis Episcopus usque huc habuit, per nostram auctoritatem habere mereatur, et praefatus Episcopus econtra recipiat Monasterium, quod dicitur Manenseo. Cujus igitur petitioni libenti animo assensum praebentes, decrevimus ita fieri, ut illa postulavit. Dedimus itaque praefatae karissimae conjugi nostrae Monasterium in Regenesburc, quod dicitur Oberunmunestri cum consensu Batrici praefati Episcopi. Et econtra dedimus, atque tradidimus praefatum Monasterium Manenseo ad S. Petrum, Principem Christi Apostolorum, et ad S. Emmeramum martyrem Christi, et jussimus fieri nostrae auctoritatis praeceptum, per quod decernimus, atque jubemus, ut ab hodierna die et deinceps memoratus Episcopus per honorem B. Petri Apostoli et S. Emmerami martyris Christi idem Monasterium cum omnibus rebus ad hoc pertinentibus, et omnes Successores ejusdem Episcopi absque aliqua contradictione filiorum nostrorum, omniumque in posterum successorum nostrorum, firmiter habeant, et securiter possideant, quatenus Fratres Domino, et Sancto Emmeramo famulantes, pro nobis atque conjuge, nec non pro karissima prole nostra, et statu totius regni nostri inde melius delectet Domini clementiam exorare. Et ut haec auctoritas nostrae concessionis firmior habeatur, et per futura tempora ab omnibus fidelibus nostris melius credatur, et diligentiùs observetur, manu propria nostra subter eam firmavimus, et annuli nostri impressione subter eam signari juss mus. Data XVII. Kal. Marcii Anno Dominicae Incarnationis DCCCXXXI. indictione XI. anno regni Hludouuici Regis VII. Actum est Regenesburc in Dei nomine feliciter. Amen.

Num. XXVIII. 833. 27. Maii. Ex Originali. Ludovicus Rex Baioariorum Ecclesiam prope Dingolfing Coenobio cathedrali Sancti Emmerami donat.

In nomine domini nostri Jesu Christi, dei omnipotentis. Hludouuicus divina largiente gratia Rex Baioariorum. Si erga loca divinis cultibus mancipata propter amorem dei, eorumque in eisdem locis sibi famulantium beneficia opportuna largimur, praemium nobis ad dominum in aeterna beatitudine recipere confidimus. Proinde comperiat omnium fidelium nostrorum, praesentium scilicet et futurorum industria, quia nos pro mercedis nostrae augmento et aeternae retributionis fructu confirmavimus ad Monasterium sancti Emmerami martyris Christi, ubi idem praeclarissimus martyr corpore requiescit,

: