järlich ausbringen und gehalten müg, alles getreulich und ungeverlich. Zu Urchund geben wir den brief besigelten mit unser dreier Gescheftherren obgeschriben aigen anhangenden Insigeln, darunter wir bechennen Innhalt des briefs ungeverlich. Geschehen zu Regenspurgk am Montag vor sand Dionisien Tag nach Christi Gepurt im 1466. Jar. 1 Tria Sigilla adpendent. Num. MXCIV. 1466. 23. Octobris. Ex Originali. Beneficium per testamentarios Nicolai de Redwitz in Ecclesia cathedrali fundatum confirmatur a Vicario generali. : Johannes Goldner, decretorum doctor, Canonicus, Revmi in Xpo patris et dni dni Heinrici dei et apostolice Sedis gratia Epi Ratisponensis Vicarius in spiritualibus generalis, ad perpetuam rei memoriam. Pastoralis Officii sollicitudo nos hortatur et ammonet, ut ea, que zelo devotionum pro divini fiunt cultus augmento, et presertim pro missarum celebratione pia, votivo amore amplectamur; in hiis etenim memoria dominice passionis recolitur, Xpus ipse sumitur et pro fidelium omnium tam vivorum, quam mortuorum salute imolatur assidue hostia salutaris. Venerabiles nobis in Xpo sincere dilecti dni Theodericus de Ramsperg Senior, Henricus de Parsperg Scolasticus et Johannes Geginger Canonici Ecclesie Ratispon. ac executores testamenti quondam venerabilis viri dni Nicolai de Redwitz Ecclesie prefate Canonici sua nobis petitione monstrarunt, quod idem Nicolaus, dum in humanis ageret, spiritu devotionis accensus ad laudem et gloriam Dei omnipotentis, gloriose quoque Virginis Marie, ac omnium Sanctorum, ob salutem quoque et remedium animarum, sue, progenitorum, successorum, omniumque fidelium de functorum unam perpetuam missam in altari sub nomine et vocabulo Dionisii et Agnetis in Ecclesia cathedrali Ratispon. per discretum Sacerdotem perpetuis futuris temporibus celebrandam in suo testamento legitime per eum condito institui, fundari, erigi et dotari disposuit, ordinavit et testatus fuerit; cupientes itaque prefati testamentarii antedicti Nicolai testatoris ultimam voluntatem piamque suam intentionem debitum perducere ad effectum, predictam missamde consensu venerabilium nobis in Xpo sincere dilectorum dnorum Canonicorum Ecclesie cathedralis Ratisponens. fundarunt, ceterosque census annuos infra descriptos comparaverunt, prout in littera 1 fundationis desuper confectis inferius inserta plenius continetur. Tenor vero littere fundationis hmoi de verbo ad verbum sequitur, et est talis: Vid. Num. praecedenti. Post quarum quidem litterarum fundationis presentationem et receptionem nobis et per nos sic, ut premittitur, factas pro parte dictorum testamentariorum fuit nobis cum instantia debita supplicatum, quatenus fundationem, erectionem et dotationem predictas robur Confirmationis adiicere, illasque admittere, ratificare et confirmare dignaremur. Nos igitur, qui divinum cultum temporibus nostris intensis desideriis adaugere cupimus, dictas fundationem, dotationem et erectionem, prout eas rite et rationabiliter factas reperimus, auctoritate dicti Revmi dni Heinrici Epi Ratispon. nobis concessa admisimus, confirmavimus, admittimus et confirmamus in Dei nomine presentium tenore, dictamque missam sic fundatam in perpetuum beneficium erigimus, volentes et dicta auctoritate decernentes, quod omnia et singula in preinsertis litteris conscripta perpetui roboris gaudeant firmitate; qui quidem capellanus sic institutus eandem missam laudabiliter regere ac inofficiare juxta sanctorum Patrum instituta ac modum in preinsertis litteris fundationis conscriptum, seque honeste, decenter et regulariter regere debeat et teneatur, Prohibemus igitur sub interminatione districti judicii, ne quis contra omnia et singula facere vel venire, aut ea ausu temerario infringere seu violare, ac de bonis ad dictam missam donatis et appropriatis, ac in futurum donandis et appropriandis quicquam distrahere et ab eadem alienare presumat, prout ultionem oninipotentis Dei atque penas et sententias sacrorum Canonum voluerit evitare. In quorum testimonium presentes litteras fieri, et Sigilli Vicariatus nostri jussimus et fecimus appensione communiri. Datum et actum Ratispone 23. mensis Octobris anno Domini 1466. Pontificatus sanctissimi dni nostri, dni Pape Pauli secundi anno tertio. : Sigillum Vicariatus Epi Ratisbon. adpendet. Num. MXCV. 1466. 22. Decembris. Ex Originali. Confirmatio Missae B. M. V. in Ecclesia parochiali ad S. Georgium Ambergae fundatae. Johannes Goldner decretorum doctor, Canonicus ac Revmi in Xpo patris et dni dni Henrici dei et aple Sedis gratia Epi Ratispon. Vicarius in spiritualibus generalis, ad perpetuam rei memoriam. Pium est et meritorium apud deum, si ea, que zelo devotionis pro divini fiunt cultus augmento, et presertim pro missarum celebratione ac salute animarum, pia prosecutione et votivo animo amplectuntur. In hmoi etenim missarum celebratione memoria dominice passionis recolitur, Xpus ipse sumitur, et pro fidelium omnium tam vivorum, quam mortuorum salute immolatur assidua hostia salutaris. Sane providi, nobis in Xpo sincere dilecti Magister civium et proconsules oppidi in Amberg Ratispon. diocesis nobis sua petitione monstrarunt, quod dudum predecessores eorum ac alii probi Xpi fideles zelo devotionis fervoreque caritatis accensi, divini cultus pleno cordis affectu desiderantes augmentum de facultatibus, rebus et bonis sibi a deo collatis ad ipsorum et progenitorum ac successorum suorum animarum salutem, ad laudem quoque et gloriam dei omnipotentis, ejusque intemerate genitricis Virginis Marie, sancti quoque martyris Georgii, necnon totius celestis curie triumphantis pro fundatione cujusdam misse perpetue B. M. V. nuncupate, in parochiali Ecclesia sancti Georgii oppidi predicti, ac altari sancti Georgii per presbyterum idoneum futuris temporibus mane in aurora celebrande certos annuos perpetuos redditus donarunt et appropriarunt, que quidem missa propter diminutionem hmoi reddituum hucusque non fuit confirmata, prout hec et alia in littera fundationis desuper confecta, Sigilloque dicti Oppidi Amberg sigillata coram nobis exhibita et producta vidimus plenius contineri. Nunc sequuntur census ac proventus ad praedictam missam destinati. Nos igitur laudabilem ipsorum intentionem grato affectu amplectentes et in dno commendantes, cupientes nichilominus divinum cultum nostris temporibus, quantum ab alto nobis conceditur, intensis desideriis adaugeri, ad petitionem Magistri et proconsulum prefatorum predictas fundationem et dotationem, prout eas rite et rationabiliter factas reperimus, auctoritate nostra Ordinaria admisimus, admittimusque, approbamus, ratificamus et confirmamus in dei nomine per presentes, ipsamque missam sic erectam, fundatam et dotatam in perpetuum beneficium erigimus, et robur atque subsistentiam obtinere decernimus. Jus patronatus autem ipsius misse, presentandi personam idoneam ad eandem, quotiescunque ejus occurrerit vacatio, magistro civium et consulatui oppidi Amberg supradictis, ipsorumque Successoribus perpetuo reservamus, sic, quod ipsi vacationum temporibus Revmo in Xpo patri dno Epo Ratispon. supradicto et Successoribus suis, seu ejus et ipsorum in spiritualibus Vicariis generalibus personam idoneam ad ipsam mis- sam canonice instituendam possint et debeant infra tempus debitum secundum juris dispositionem presentare, qui quidem capellanus sic, ut premittitur, presentatus et institutus cottidie, in una ebdomada duntaxat unica, et per aliam immediate sequentem ebdomadam, duabus diebus si voluerit, ob reverenciam Sacramenti libere vacare poterit, hora congruenti juxta consuetudinem hucusque introductam absque tamen parochialis Ecclie ac plebani in Amberg prejudicio dictam missam celebrare et inofficiare sit astrictus per se vel alium, nisi aliquod canonicum obsisteret impedimentum, in quo suam conscientiam esse volumus oneratam, ac pro pena totiens, quotiens sic divina celebrare contumaciter neglexerit, mediam libram cere in me-.. liorationem luminarium dicte Ecclie persolvere teneatur. Ipse denique plebano pro tempore in Amberg aut ejus locuin tenenti obedientiam, fidelitatem et reverentiam in cunctis licitis et honestis exhibere, ac de indemnitate oblationum, remediorum ac quorumcunque aliorum jurium parochialium fidelitatem debitam promittere et observare, diebus quoque festivis in Choro parochialis Ecclesie sub officio, necnon primis et secundis Vesperis ac Processionibus solitis superpelliciatus juxta morem plebani ac Sociorum suorum in divinis stare et incedere, seque honeste, decenter ac regulariter regere debeat et teneatur. Prohibemus igitur sub comminatione districti judicii, ne quis contra premissa omnia et singula facere vel venire, aut ea ausu temerario infringere seu violare, ac de bonis ad dictam missam donatis et appropriatis, et in futurum donandis et appropriandis quicquam distrahere, et ab eadem alienare presumat, prout ultionem omnipotentis dei, necnon penas et sententias sacrorum Canonum voluerit evitare. In quorum testimonium presentes Litteras fieri, et Sigilli Vicariatus nostri jussimus appensione communiri. Datum et actum Ratispone 22. die mensis Decembris, anno dni 1466. Pontificatus fsmi in Xpo patris et dni nostri, dni Pauli divina providentia Pape secundi anno tertio. Sigillum illaesum adpendet. Num. MXCVI. 1467. 18. Martii. Ex Originali. Mundiburdium imperiale datum Epo, Capitulo et Clero Civitatis et Dioecesis Ratisbonensis. Fridericus divina favente clementia Romanorum Imperator semper Augustus, Hungarie, Dalmacie, Croacie etc. Rex, ac Austrie, Stirie, Karinthie ac Carniole Dux, Dominus Marchie, Sclavonie et Portunaonis, Comes in Habspurg, Tyrolis, Pherretis et in Kyburg, Marchio Burgovie et Lantgravius Alsatie, ad perpetuam rei memoriam. Notum facimus tenore presentium universis. Quamquam ex imperiali beneficentia universorum subditorum, quos sacri Imperii latitudo complectitur, commodo, quieti et augmento prospicere et providere, ut congruit, soleamus, uberiori tamen clementia prestantiorique benignitate illis inclinare, libertates defendere, jura et indulta tueri, et plerumque etiam ampliare consuevimus, quos divinis mancipatos obsequiis jugiter inherere, vigilanterque incumbere intelligimus assiduo cultui creatoris, adeo, ut nostro felici et fausto Imperio pro more et consuetudine divorum nostrorum predecessorum Ecclesiarum statum auxisse et propagasse videamur. Sane per venerabilem Heinricum Electum et confirmatum Ecclie Ratispon. Principem, consiliarium et devotum nostrum dilectum in presensia nostri culminis nobis oblata supplex petitio continebat, quatinus sibi et dicte sue Ecclie Ratispon. omnia et singula privilegia, litteras, libertates, gratias, immunitates, jura, concessiones, donationes et indulta, que seu quas communiter vel divisim a divis Romanorum Imperatoribus sive Regibus, predecessoribus nostris, aut aliis Principibus et personis saltem in temporalibus rite obtinuerunt, in omnibus et singulis suis articulis, continentiis, tenoribus, sententiis, punctis et clausulis de verbo ad verbum, prout scripta seu scripte sunt, necnon eorum bona, alta et bassa judicia, laudabiles consuetudines, usus et honores eorundem, et quicquid de presenti legitime possident, et presertim ut duo privilegia predecessoribus suis et Ecclie Ratispon. concessa per serenissimos quondam Principes et Fridericum Romanorum Imperatorem, et Sigismundum Romanorum Imperatorem, dum adhuc in Regia esset dignitate constitutus, predecessores nostros, que privilegia, prout in litteris ac scripturis, instrumentis et Sigillis fide dignis munitis coram nobis desuper exhibitis vidimus ad plenum contineri, de solite benignitatis clementia innovare, approbare, ratificare et confirmare gratiose dignaremur, cujus quidem privilegii primi tenor sequitur per omnia de verbo ad verbum, et est talis: In nomine sce et individue Trinitatis. Fridericus divina favente clementia Romanorum Imperator et semper Augustus. Decet omnes etc. Reliqua vid. ad annnm 1157. Tom. I. Num. CCXLVIII. Alterius autem et suprascripti privilegii a Sigismundo quondam Romanorum Rege predecessore nostro tenor sequitur in hec verba: Sigismundus dei gra Romanorum Rex semper Augustus, ac Ungarie, Dalmacie, Croacie etc. Rex. Ad perpe : : |