Num. MCVI. 1476. 22. Januarii. Ex Originali.

Henricus Epus Ratispon. confirmat missam perpetuam in Ecclia B. M. V. in Ortt a vitricis hujus Ecclesiae, ac communitatibus in Waltenhofen, Kleinprüfening et Rigling fundatam ac annuo perpetuoque censu 9 librarum denar. Ratispon. dotatam. Jus patronatus reservatur abbati monasterii sancti Emmerami. Capellanus rite institutus singulis septimannis quatuor celebret missas, ac Pastori in Eilsbrunn reverentiam exhibeat, et de indemnitate oblationum aut aliorum jurium parochialium quorumcunque fidelitatem promittat observetque. „In quorum fidem et evidens testimonium praesentes litteras exinde fieri, Sigillique officii Vicariatus nostri jussimus appensione communiri. Datum et actum Ratisponae anno a nativitate Domini 1476. Indictione IX. die 22. mensis Januarii, Pontificatus ssmi in Christo patris et dni nostri, dni Sixti divina providentia Papae IV. anno quinto."

Sigillum Vicariatus adpendet.

Num. MCVII. 1477. 17. Januarii. Ex Originali.

Joannes Neunhauser decanus, Conradus Sintzenhover Canonicus et Vicarius generalis, Georgius Drechsel et Stephanus Schrotel Canonici Ecclesiae Ratispon. arbitratores amicabiles compositores concorditer electi inter abbatissam et conventum Monasterii superioris ex una, et Leonardum Prantner perpetuum Vicarium Ecclesiae parochialis B. M. V. in Hadersbach, alias Salach de et super annua pensione retenta et non soluta ex altera parte, deliberatione praehabita diligenti ac pensatis omnibus et singulis causis et circumstantiis, quae circa negotium hmoi quomodolibet ponderari poterant et debebant, pari voto et unanimi assensu concorditer pronuntiant, laudant, arbitrantur et declarant, ut dictus dnus Leonardus perpetuus Vicarius possit propter aedificia reformanda retinere, quantum ex fructibus dictae Ecclesiae abbatissae et Conventui usque ad diem praesentis pronuntiamenti solvere debuerat, futuris tamen temporibus omni et quolibet anno pensionem 7. tt. denar. Ratispon. sine diminutione ac contradictione quacunque dictis dnabus abbatissae et conventui persolvere teneatur, omni videlicet angaria 14 solid. denar. Ratispon. steuris, exactionibus, grandinibus et sterilitatibus, ac aliis, quae emergere et contingere quomodolibet possint, non obstantibus quibuscunque, residuum vero fructuum dictae Ecclesiae idem dnus Leonardus possit et valeat pro congrua sibi et oneribus incumbentibus licite retinere. Praesens arbitramentum ab utraque parte inviolabiliter observetur. Actum et datum Ratisponae die 17. mensis Januarii, anno Do mini 1477.

Quatuor Sigilla arbitratorum illaesa adpendent.

Num. MCVIII. 1478. 10. Aprilis. Ex Originali. Confirmatio Eplis missae S. Andreae perpetuae in Ecclesia cathedrali fundatae per testamentarios Andreae Nidermaier Capellani S. Stephani ibidem.

Henricus dei et apostolice Sedis gra Epus Ratisponen. Universis et singulis Xpi fidelibus presentibus et futuris salutem in dno sempiternam. Pastoralis officii sollicitudo nos hortatur et ammonet, ut ea, que zelo devotionis pro divini cultus augmento et presertim missarum celebrationibus fiunt, pia prosecutione et votivo animo amplectamur. In hiis etenim memoria dominice passionis recolitur, Xpus ipse sumitur, et pro fidelium tam vivorum, quam mortuorum salute imolatur assidue hostia salutaris. Sane oblata nobis pro parte venerabilis, honorabiliumque in Xpo sincere dilectorum Magri Conradi Onsorg decretorum Licentiati Canonici, Udalrici Hueber, Nycolai Seyd Vicariorum Ecclie nre Ratispon. et Urbani Zaun Capellani Ecclesie sancti Petri consecrati extra muros Ratispone testamentariorum quondam Andreé Nidermayer capellani sancti Stephani in ambitu Ecclesie nostre predicte petitio continebat, quod ipsi volentes exequi testamentum per dictum olim Andream factum zelo devotionis accensi, ad laudem et gloriam sancte et individue Trinitatis, et gloriosissime Virginis Marie, que hymnidicis choris laudumque preconiis per cuncta mundi climata omnibus antefertur, perpetuam missam in altari sub nomine et vocabulo sancti Andree apli intra Eccliam nram celebrandam certis modis, pactis et formis juxta vim, ordinem et tenorem patentium litterarum desuper confectarum de consensu et voluntate venerabilium in Xpo sincere dilectorum Johannis Neunhauser decani totiusque Capituli Ecclie nre prelibate de bonis per prefatum Andream relictis fundassent atque ex mera atque gratuita liberalitate fructibus, redditibus et proventibus valorem duodecim librarum denar. Rat. annui et perpetui Census excedentem dotassent, jus conferendi dicto decano et Capitulo reservando, quemadmodum et prout ex litteris Sigillis prefatorum Conradi Onsorg, Udalrici Hueber, nec non Leonardi Partner Civitatis Ratispon. Sculteti appendentibus sigillatis coram nobis exhibitis et perlectis, quarum etiam tenorem de verbo ad verbum heic haberi volumus pro inserto, et de hiis plenam notitiam habentes, plenius continetur et habetur, fecerint nobis dicti testamentarii fundatores tanquam loci Ordinario pro hmoi fundatione, erectione, auctorizatione et confirmatione, ut ad hec auctoritate nra Ordinaria gratiose procedere dignaremur, debita cum instantia suppliciter et devote supplicari: Nos itaque Henricus Epus attendentes, hmoi petitionem fore justam et rationi consonam, et quia etiam diligenti discussione maturaque deliberatione prehabita fundationem ipsam in singulis suis pactis, punctis et articulis nonnisi sanctam, rationabilem et canonicam sufficienterque dotatam comperimus, idcirco hmoi perpetue misse fundationem et dotationem in omnibus et singulis punctis et articulis et tanquam rationabiliter et canonice factam auctoritate nra Ordinaria ex certa scientia nra approbamus, confirmamus, auctorizamus et perpetuamus, ipsamque fundationem in titulum perpetui beneficii erigimus et creamus, numeroque beneficiorum adscribimus, libertamus et privilegiamus cum omnibus et singulis juribus et pertinentiis suis jam datis aut donandis, presentibus et futuris. Prohibemus igitur sub interminatione districti judicii et maledictionis eterne, ne quisquam contra premissa vel ipsorum aliquod facere aut venire, seu ipsa ausu temerario infringere sive violare, aut de bonis jam donatis sive in posterum donandis contra formam fundationis quicquam distrahere aut alienare quoquo modo presumat sub gravissima omnipotentis dei ultione, sacrorumque Canonum penarum formidine gravissima. In quorum omnium et singulorum fidem et evidens testimonium premissorum presentes litteras exinde fieri, Sigillique Officii Vicariatus nri jussimus appensione communiri. Datum et actum die Veneris decima mensis aprilis anno dni 1478. Indictione XI. Pontificatus sanctissimi in Xpo patris et dni nri dni Sixti divina providentia Pape quarti anno ejus septimo.

Sigillum Vicariatus adpendet.

Num. MCIX. 1478. 23. Augusti. Ex Originali. Johann Hayden Dekan zur alten Kapelle, und Pfarrer zu St. Cassian *) stiftet zur Ehre Gottes und der seligsten Jungfrau Mariä,

:

*) Am 24 April 1457. ward er Canonicus zur alten Kapelle, am 3. October 1462. Decan dieses Stiftes, und am 31 Dec. 1467. wurde ihm durch einen Capitular Schluss der Chorherren die Pfarr St. Cassian verliehen. Er versah die Pfarr und das Decanat bis zu seinem Tode, der am 2. December 1490. erfolgte. Von ihm sind noch kurze Notizen über Präbenden - und Pfarrverleihungen vom Jahre 1462. bis 1487. vorhanden, worin auch zwei allgemeine Reichstage von den Jahren 1469. und 1471. endlich ein bairischer

zugleich zu seiner, seiner Vorfahren und Wohlthäter, auch aller Gläubigen Seelenruh eine ewige Messe in der Pfarrkirche zu St. Cassian auf dem neuen, von ihm erbauten St. Erasmus Altar, und verordnet, dass 1.) der Kaplan dieses Altars an allen Sonn- und Feyertägen unter dem Pfarramte, an jedem Mondtag, Donnerstag und Samstag aber unter der Pfarrmesse das heilige Messopfer entrichten soll, 2.) an des Stifters Jahrtage hat der Kaplan die Obliegenheit, 10 Messen in St. Cassian, und 5 Messen in der alten Kapelle zu besorgen, 3.) Von den Pfarr- Rechten und Opfern soll er nichts entziehen, sondern dem Pfarrer gehorsam sein, und ihm mit Singen in dem Chor aushelfen; von jeder Vigil hat ihm aber der Pfarrer 2 dl. zu geben. Die Dotation besteht jährlich in 20 fl. welche die Bürger der Stadt Sulzbach zu entrichen haben, in 4 1/2 tt. R. dl. aus des Sittauers Haus und Weingärten, aus 1 Schaff Weitz in Hachelstat und 60 R. dl. aus einem Hause in Abach; das Patronatsrecht soll bei dem Kapitel der alten Kapelle verbleiben. Der Stifter und sein Kapitel siegelten. Am nämlichen Tage bestättigt Bischof Heinrich obige fundation, und erhebt selbe zu einem ewigen Beneficium, gebiethet zugleich, dass der Stiftung zu ewigen Zeiten pünktlich nachgelebt, und von der Dotation nichts veräussert werde. Datum, ut supra.

Tria Sigilla adpendent, a.) Vicariatus, b.) Capituli veteris Capellae,
c.) Joannis Hayden.

Num. MCX. 1479. 6. Februarii.

Henricus Epus Ratisponensis renuntiat liti habitae cum Duce Bavariae Alberto ob jus patronatus ad Parochiam Lintkirchen, et concedit, quod Dux et sui Successores dicto jure in posterum libere uti possint, salva tamen canonica Investitura ad praedictam Parochiam Epo competente. Datum Ratisponae 6. mensis Februarii, anno Domini 1479.

Hundii Metrop. I. 182. Edit. Ratisbon.

Fürstentag gegen den Einhornbund der bair'schen Edelleute vom Jahre 1467. berührt werden. Er war ein sehr fleissiger, zugleich sehr bescheidener Mann, und es ist zu vermuthen, dass er noch andere Handschriften, besonders in Bezug auf die Pfarr St. Cassian hinterlassen habe, die aber verloren gegangen sind.

Num. MCXI. 1479. 22. Dec. Ex Originali,

Confirmatio Eplis missae hebdomadalis et anniversarii in Ecclia cathedrali fundati a Conrado Sinzenhofer Vicario generali Ratisbon.

Heinricus dei et apostolice Sedis gratia Episcopus Ratispon. universis et singulis Xpi fidelibus presentibus et futuris salutem in domino sempiternam, ad perpetuam rei memoriam. Pastoralis officii sollicitudo nos hortatur et admonet, ut ea, que zelo devotionis pro divini cultus augmento et presertim pro missarum celebratione fiunt, pia prosecutione et votivo animo amplectamur; in hiis etenim memoria dominice passionis recolitur, Christus ipse sumitur, et pro fidelium omnium tam vivorum, quam mortuorum salute immolatur assidue hostia salutaris. Sane venerabilis nobis in Xpo sincere dilectus dnus Conradus Sintzenhofer decretorum licentiatus, Canonicus ac in spiritualibus Vicarius noster generalis nobis sua petitione monstravit, quod ipse zelo devotionis accensus, pia mente revolvens, quod morte nil certius et nihil incertius hora mortis existat, quoniam plurimi, cum se stare credant, repentine mortis eventu de medio subtrahuntur, nec hominem nisi opera sua, sive bona sive mala fuerint, subsequuntur; volens propterea eternorum intuitu id seminare in terris, quod fructu multiplicato recolligere valeat in celis, ad laudem et gloriam sancte et individue Trinitatis ac beatissime Virginis Marie, nec non ob salutem et remedium animarum sue, parentum, progenitorum et Successorum suorum omniumque fidelium defunctorum unam missam ebdomadalem in altari sci Bartholomei Ecclesie nre qualibet feria sexta de dni nri Jesu Christi passione, legitimo cessante impedimento, alioquin altera die ejusdem Septimane per Capellanum dicti altaris pro tempore existentem celebrandam, ac anniversarium in dicta Ecclesia secundum consuetudinem hactenus introductam qualibet secunda feria post dominicam Invocavit peragendum de nocte cum Vigiliis et altero die cum Officio defunctorum fundaverit, quodque in dotem hmoi fundationis tres scaffas siliginis et unam libram denar. Ratispon. annui et perpetui Census ex Curia quadam dicta Harhof ipsi Capellano et suis Successoribus perpetuis futuris temporibus assignaverit et appropriaverit, prout hec et alia in litteris fundationis et dotationis desuper confectis, Sigillisque prefati dni Conradi, Friderici et Udalrici Sinzenhofer appendentibus sigillatis coram nobis exhibitis et productis, quas aput presentes (litteras Confirmationis) servari volumus, vidimus plenius contineri.