Christus circumcisus ad Patrem.

AS en primitias nostræ (Pater) accipe mortis ; (Vitam ex quo sumpsi, vivere dedidici)

Ira (Pater) tua de pluvia gustaverit ista:
Olim ibit fluviis hoc latus omue suis.

Tunc sitiat licet et sitiat, bibet et bibet usque :
Tunc poterit toto fonte superba frui.

Nunc hasta interea possit præludere culter:
Indolis in pœnas spes erit ista meæ.

In Epiphaniam Domini.

ON solita contenta dies face lucis Eox,
Ecce micat radiis cæsariata novis.

Persa sagax, propera: discurre per ardua regum
Tecta, per auratas marmoreasque domas :

Quære ô, quæ intepuit Reginæ purpura partu ;
Principe vagitu quæ domus insonuit.

Audin' Persa sagax? Qui tanta negotia cœlo
Fecit, Bethlemiis vagiit in stabulis.

LUC. II. 49.

Ecce quærebamus te, &c.

E quæro misera, et quæro: tu nunc quoque
tractas

Res Patris: Pater est unica cura tibi:

Quippe quod ad pœnas tantum et tot nomina mortis, Ad luctum et lacrymas (hei mihi!) mater ego.

JOAN. II.

Aquæ in vinum versæ.

NDE rubor vestris, et non sua purpura lymphis?

Quæ rosa mirantes tam nova mutat aquas?

Numen (conviva) præsens agnoscite Numen:
Nympha pudica Deum vidit, et erubuit.

MATTH. VIII. 13.

Absenti Centurionis filio Dominus absens medetur.

UAM tacitis inopina salus illabitur alis!
Alis, quas illi vox tua, Christe, dedit.

Quam longas vox ista manus habet! hæc medicina
Absens, et præsens hæc medicina fuit.

MARC. IV. 40.

Quid timidi estis.

ANQUAM illi insanus faceret sua fulmina

ventus !

Tanquam illi scopulos nôrit habere fretum !

Vos vestri scopuli, vos estis ventus et unda :
Naufragium cum illo qui metuit, meruit.

LUC. II.

Nunc dimittis.

TE mei (quid enim ulterius, quid vultis ?) ocelli :
Leniter obductis ite superciliis.

Immo et adhuc et adhuc, iterumque iterumque videte ;
Accipite hæc totis lumina luminibus.

Jamque ite; et tutis ô vos bene claudite vallis :
Servate hæc totis lumina luminibus.

Primum est, quod potui te (Christe) videre: secundum, Te viso, recta jam potuisse mori.

MATTH. XIII. 24.

In segetem sacram.

CCE suam implorat, demisso vertice, falcem :
Tu segeti falcem da (Pater alme) suam.

Tu falcem non das? messem tu (Christe) moraris ?
Hoc ipsum falx est: hæc mora messis erit.

LUC. VII. 37.

Capit lacrymis rigere pedes ejus, et capillis
extergebat.

NDA sacras sordes lambit placidissima: flavæ

Lambit et hanc undam lucida flamma comæ.

Illa per has sordes it purior unda; simulque
Ille per has lucet purior ignis aqua.

LUC. XVIII. 41.

Quid vis tibi faciam?

UID volo (Christe) rogas? quippe ah volo,
Christe, videre:

Quippe ad te (dulcis Christe) videre volo.

At video; fideique oculis te nunc quoque figo:
Est mihi, quæ nunquam est non oculata, fides.

Sed quamvis videam, tamen ah volo (Christe) videre :
Sed quoniam video (Christe) videre volo.

MATTH. XV. 21.

Christus mulieri Canaaneæ difficilior.

T pretium facias dono, donare recusas:
Usque rogat supplex, tutamen usque negas.

Hoc etiam donare fuit, donare negare.

Sæpe dedit, quisquis sæpe negata dedit.

ધો

LUC. II.

Beatus venter et ubera, &c.

T quid si biberet Jesus vel ab ubere vestro?

Quid facit ad vestram, quod bibit ille, sitim?

Ubera mox sua et hic (ô quam non lactea !) pandet : E nato mater tum bibet ipsa suo.

JOAN. XV. 1.

In Christum vitem.

LMUM vitis amat (quippe est et in arbore
flamma,

Quam fovet in viridi pectore blandus amor:)

Illam ex arboribus cunctis tu (vitis) amasti,
Illam, quæcunque est, quæ crucis arbor erat.

JOAN. XVI. 20.

Vos flebitis et lamentabimini.

RGO mihi salvete mei, mea gaudia, luctus :
Quam charum (ô Deus) est hoc mihi flere

meum !

Flerem, ni flerem: solus tu (dulcis Jesu)

Lætitiam donas tunc quoque quando negas.