predictam electionem inuenimus de te uiro religionis honeste, uite laudabilis, literarum scientia predito ac morum honestate decoro, in spiritualibus prouido et in temporalibus circumspecto, canonice celebratam, electionem ipsam non obstante si eiusdem ecclesie Sodorensis prouisio per nos vel predecessores nostros Romanos Pontifices eidem sedi sit specialiter uel generaliter reseruata, de fratrum nostrorum consilio auctoritate apostolica confirmauimus, teque ipsi Sodorensi ecclesie in episcopum preficimus et pastorem, curam et administrationem ipsius ecclesie tibi in spiritualibus et temporalibus plenarie committendo, firma spe fiduciaque conceptis quod ipsa ecclesia Sodorensis, dextera domini tibi assistente propitia, per tue industrie et circumspectionis fructuosum studium regetur utiliter et prospere dirigetur. Jugum itaque domini tuis impositum humeris prompta deuotione suscipiens et suavi eius oneri humiliter colla flectens, curam et administrationem predictas sic geras sollicite, fideliter et prudenter, quod ipsa ecclesia gubernatori prouido et fructuoso administratori gaudeat se commissam, ac bone fame tue odor ex laudabilibus tuis actibus latius diffundatur, tuque proinde preter eterne retributionis premium nostram et dicte sedis benedictionem uberius consequi merearis. Datum Auinione .v. kal. Maij pontificatus nostri anno septimo.

In eodem modo Dilectis filijs clero ciuitatis et diocesis Sodorensis salutem et cetera apostolatus et cetera usque dirigetur. Quocirca vniuersitati uestre per apostolica scripta mandamus quatinus eidem electo tanquam patri et pastori animarum uestrarum humiliter intendentes et exhibentes ei obedientiam et reuerentiam debitam et deuotam ipsius monita et mandata salubria curetis deuote suscipere et efficaciter adimplere, alioquin sententiam quam idem electus rite tulerit in rebelles ratam habebimus et faciemus auctore domino usque ad satisfactionem condignam inuiolabiliter obseruari. Datum ut supra.

In eo. mo. Dilectis filijs Populo Civitatis et diocesis Sodorensis salutem etc. Apostolatus et cetera usque dirigetur. Quocirca et cetera usque quatinus eundem electum tanquam patrem et pastorem animarum uestrarum suscipientes deuote, et deuota honorificentia prosequentes, ipsius monitis et mandatis salubribus humiliter intendatis, ita quod ipse in uobis deuotionis filios et uos in eo per consequens patrem inuenisse beniuolum gaudeatis. Datum ut supra.

In eo. mo. Venerabili fratri Arnoni Archiepiscopo Nidrosiensi salutem etc. Ad cumulum tue cedit salutis et fame si personas ecclesiasticas presertim pontificali dignitate preditas diuine propitiationis intuitu oportuni presidij et fauoris gratia prosequaris. Olim siquidem et cetera usque dirigetur. Cum igitur ut idem Wilhelmus electus in commissa sibi ecclesie Sodorensis predicte cura facilius proficere valeat, tuus fauor sibi esse noscitur plurimum oportunus, fraternitatem tuam rogamus et hortamur attente, per apostolica tibi scripta mandantes, quatinus ipsum electum et ecclesiam Sodorensem predictos iure metropolitico tibi subiectos habens pro nostra et ipsius sedis reuerentia propensius commendatos ipsum in ampliandis et conseruandis iuribus suis sic tui fauoris presidio prosequaris, quod ipse tuo fultus auxilio in commisso sibi ecclesie Sodorensis prefate regimine se possit utilius exercere, tuque diuinam misericordiam et benedictionem dicte sedis exinde ualeas uberius promereri. Datum ut supra.

In e. m. Dilecto filio Nobili viro Villelmo de Monteacuto domino terre Mannie Sodorensis diocesis salutem etc. Ad cumulum et cetera ut in superiori que dirigitur Archiepiscopo usque oportuni fauoris presidio prosequaris et cetera usque dirigetur. Cum igitur ut idem electus in commissa sibi dicte Sodorensis ecclesie cura facilius præficere ualeat tuus fauor sibi esse noscatur plurimum oportunus, discretionem tuam rogamus et hortamur attente, quatinus eundem Electum et commissam sibi dictam ecclesiam habeas pro nostra et dicte sedis reuerentia propensius commendatos in ampliandis et conseruandis eiusdem ecclesie iuribus se possit utilius exercere, tuque proinde diuinam misericordiam et beniuolentiam ualeas uberius promereri. Datum ut supra.

In e. m. Dilecto filio Nobili viro Roberto Stiward dicto Senescallo Scocie domino Jnsule de Bote Sodorensis diocesis salutem etc. Ad cumulum etc. ut in superiori que dirigitur Villelmo usque ad finem.

In e. m. Dilecto filio Nobili viro Johanni Mac Dofnald domino de

Jle Sodorensis diocesis. Ad cumulum etc.

(Clement. VI. commun. an. 7. 1. 3. fol. 131. ep. 368. In arch. secr. Vat.)

No. 17. (April 27, 1349).

Clemens episcopus seruus seruorum dei. Venerabili fratri Arnoni Archiepiscopo Nidrocensi salutem et apostolicam benedictionem. Ad cumulum tue cedit salutis et fame si personas ecclesiasticas, presertim pontificali dignitate preditas, diuine propiciationis intuitu oportuni presidij et fauoris gratia prosequaris. Olim siquidem ecclesia Sodorensis per obitum bone memorie Thome episcopi Sodorensis, qui extra Romanam curiam diem clausit extremum, pastoris solacio destituta, dilecti filij Clerus ciuitatis et diocesis Sodorensis, ad quos Electio Episcopi Sodorensis, cum tempore imminebat facienda, de antiqua et approbata et hactenus pacifice obseruata consuetudine dicitur pertinere, die ad eligendum prefixa ut moris est conuenientes in vnum, spiritus sancti gratia inuocata, dilectum filium Wilhelmum Electum Sodorensem, tunc Abbatem monasterij de Russin ordinis Cisterciensis, Sodorensis diocesis, quasi per inspirationem diuinam in Episcopum Sodorensem vnanimiter et concorditer elegerunt, et electionem huiusmodi fecerunt populo solenniter publicari, idemque Wilhelmus Electus presentate sibi electioni huiusmodi ad instanciam predictorum Cleri, prius a dilecto filio... Abbate de Furnesio dicti ordinis, Eboracensis diocesis, patre Abbate dicti et de Russi monasteriorum superiore suo super hoc petita et obtenta licentia, consensit, in hiis omnibus statutis a iure temporibus obseruatis; et deinde idem Wilhelmus Electus dubitans quod prouisio ipsius ecclesie esset dispositioni apostolice reseruata, propter hoc ad sedem eandem personaliter accessit, et huiusmodi electionis negotium proponi fecit in consistorio coram nobis, et ipsius electionis nobis presentato decreto a nobis suppliciter postulauit ut electionem huiusmodi confirmare de benignitate dignaremur. Nos igitur electionem ipsam, eiusdemque Wilhelmi Electi persone merita per venerabilem fratrem nostrum Petrum Episcopum Penestrinum et dilectos filios nostros Guillelmum tituli sanctorum Quatuor coronatorum, presbyterum, et Galhardum Sancte Lucie in Silice diaconum Cardinales examinari fecimus diligenter, et facta nobis ab eisdem Episcopo Penestrino ac Cardinalibus super hiis relatione plenaria et fideli, quia predictam electionem inuenimus de ipso uiro religionis honeste, uite laudabilis, litterarum scientia predito ac morum honestate decoro, in spiritualibus prouido et in temporalibus circunspecto, canonice celebratam, electionem ipsam non obstante si eiusdem ecclesie Sodorensis pro

uisio per nos uel predecessores nostros Romanos Pontifices eidem sedi sit specialiter uel generaliter reseruata, de fratrum nostrorum consilio auctoritate apostolica confirmamus, eundemque Wilhelmum Electum ipsi Sodorensi ecclesie in Episcopum preficimus et pastorem, curam et administrationem ipsius ecclesie sibi in spiritualibus et temporalibus plenarie committendo, firma spe fiduciaque conceptis quod ipsa ecclesia Sodorensis dextera domini sibi assistente propicia, per ipsius industrie et circunspectionis fructuosum studium regetur utiliter et prospere dirigetur. Cum igitur ut idem Wilhelmus in commissa sibi ecclesie Sodorensis predicte cura facilius proficere ualeat, tuus fauor sibi esse noscitur plurimum oportunus, fraternitatem tuam rogamus et hortamur attente, per apostolica tibi scripta mandantes, quatinus ipsum Electum et ecclesiam Sodorensem predictos iure metropolitico tibi subiectas habens pro nostra et ipsius sedis reuerentia propensius commendatos, ipsum in ampliandis et conseruandis iuribus suis sic tui fauoris presidio prosequaris, quod ipse tuo fultus auxilio in commisso sibi ecclesie Sodorensis prefate regimine se possit utilius exercere, tuque diuinam misericordiam et benedictionem dicte sedis exinde ualeas uberius promereri. Datum Auinione .v. kal. Maij pontificatus nostri anno septimo.

In eundem modum dil. filio Wilhelmo Electo Sodorensi dilectis filiis Clero Ciuitatis et diocesis Sodorensis dilectis filiis Populo Ciuitatis et diocesis Sodorensis dilecto filio Nobili viro Willelmo de Monteacuto domino terre Mannie Sodorensis diocesis dilecto filio nobili

viro Roberto, Stuvard dicto, Senescallo Scocie, domino Insule de Bote, Sodorensis diocesis dilecto filio nobili viro Johanni Moac Dofnald, domino de Ile, Sodorensis diocesis.

(Clementis VI. commun. in arch. secr. Vat. an. VII. lib. 3. fol. 131. ep. 268.)

No. 18. (May 6, 1349).

Clemens etc. Uenerabili fratri Willelmo episcopo Sodorensi salutem etc. Pridem Sodorensis ecclesia solacio destituta pastoris nos ad personam tuam claris virtutum titulis insignitam nostre mentis aciem dirigentes, te de fratrum nostrorum consilio eidem ecclesie in episcopum preficimus et pastorem, curam et administrationem ipsius tibi in spiritua

libus et temporalibus plenarie committendo prout in nostris inde confectis litteris plenius continetur. Cum autem postmodum per venerabilem fratrem nostrum Bertrandum Episcopum Ostiensem te fecerimus munus consecrationis impendi, fraternitati tue per apostolica scripta mandamus, quatinus apostolice sedis beneplacitis te conformans apud predictam ecclesiam Sodorensem cum nostre benedictionis gratia te personaliter conferens sic te in administratione ipsius diligenter et sollicite gerere studeas, vt vtilis administratoris industrie non inmerito gaudeat se commissam ac laudabilis fame tue odor ex tuis probabilibus actibus latius diffundatur, et preter retributionis eterne premium nostre beniuolentie gratiam et fauorem exinde vberius consequaris. Datum Auinione .ij. non. Maij pontificatus nostri anno septimo.

(Clement. VI. commun. in arch. secr. Vatican. ann. 7. lib. 3. ep. 1106.)

No. 19. (May 7, 1349.)

Clemens episc. s. s. d. Venerabili fratri Guillelmo Episcopo Sodarensi salutem etc. Cum sicut pro parte tua fuit expositum coram nobis tam pro tuis expensis necessarijs quam ecclesie Sodarensis negocijs apud sedem apostolicam et alibi expediendis vtiliter te subire oporteat magna onera expensarum, nobis humiliter supplicasti, ut usque ad summam mille ducentorum florenorum auri mutuum contrahendi sub modis et formis infrascriptis, sine quibus creditores te putas invenire non posse tibi, largire (sic) tibi licenciam dignaremur; Nos igitur de tua tam in hijs quam in alijs circa eadem tua et ipsius ecclesie vtiliter promouenda et expedienda negocia circumspeccione ac diligencia plenius in domino confidentes, nec volentes quod propter expensarum ipsarum defectu indigenciam patiaris, uel quod eadem negocia inexpedita remanere contingat, tuis supplicationibus inclinati fraternitati tue contrahendi mutuum propter hoc vsque ad predictam summam mille ducentorum florenorum auri nomine tuo et ipsius ecclesie Sodarensis, ac te et successores tuos episcopos Sodarenses et predictam ecclesiam ac tua et eorundem bona mobilia et immobilia, presencia et futura, usque ad summam predictam propterea dictis creditoribus, vsuris omnino cessantibus, obligandi, et renunciandi de duabus dietis edite (sic) in concilio generali fe