ARTICLES SUBSCRIBED BY THE VICE-CHANCELLOR IN 1554. 1. ECCLESIA Sancta catholica hominibus nota non potest errare in his quæ sunt fidei neque concilia generalia eandem ecclesiam representantia. 2. In eucharistia post consecrationem non remanet substantia panis et vini neque ulla alia substantia nisi Christi dei et hominis. 3. In sacramento altaris virtute verbi divini a sacerdote prolati presens est realiter naturale Christi corpus et item naturalis ejus sanguis. 4. In missa est vivificum christi sacrificium tam pro vivis quam pro defunctis propiciabile. J YONG VICECAN. Ao. 1554. 24 Junii. HII ARTICULI SIC REVISI PER VICECAN. PROPOSITUM REGIS COLLII. ET TUNC REGENTES ET NON REGENTES SUBSCRIPSERUNT QUOS 1. CREDIMUS et confitemur unum deum verum, unum omnipotentem incorporeum impartibilem immensa potentia sapientia bonitate. Creatorem et conservatorem rerum omnium visibilium et invisibilium et tres in divinitate distinctas personas patrem ingenitum filium unigenitum et spiritum sanctum ab utroque procedentem ejusdem essentiæ potentiæ gloriæ et eternitatis. 2. Credimus verbum Dei carnem assumpsisse ex virgine Maria ita ut duæ naturæ divina et humana in Christi persona inseparabiliter fuerunt conjunctæ eundemque vere passum crucifixum mortuum ad inferos descendisse et tertia die resurrexisse atque in cœlos ascendisse et ad dexteram patris sedere. 3. Credimus septem ecclesiæ esse sacramenta a deo instituta nempe baptismum, confirmationem, eucharistiam, penitentiam, extremam unctionem, ordinem, et matrimonium, per quæ Deus invisibiliter confert gratiam et operatur nostram salutem sive per bonos sive per malos ministros. 4. Credimus baptismum omnibus ad salutem esse necessarium etiam infantibus peccataque omnia tam actualia quam originalia baptismo tolli et plenarie deleri adeo ut qui rite baptizentur filii Dei fiunt et heredes vitæ æternæ eundemque baptismum nunquam esse iterandum. 5. Credimus hominem liberum habere arbitrium quo potest malè, et cum gratia Dei bene agere et post peccatum admissum Deo adjuvante penitere et peccatorum remissioncm consequi. 6. Credimus quod nec sine fide nec sola fide sine penitentia et proposito vivendi secundum Dei mandata aut sine spe et charitate homo possit justificari: eosque improbamus qui vel solam fidem sine opibus satis esse ad salutem affirmant, aut innovationem vitæ et justiciam inhærentem inficiantur et negant, illamque fidei certitudinem quam Lutherani jactant ut quæ nec scripturarum testimoniis nitatur et pietatis et virtutum nervos elidat dum pestilentem securitatem in hominum animis inserit. 7. Credimus opera bona adultis esse ad salutem necessaria, et cum ex fidei et spiritu charitatis procedunt ita grata esse Deo ut eis tanquam justam mercedem vitam retribuat eternam illicque in Regno gloriosiorem eum fore qui hic pluribus pietatis opibus abundat. 8. Credimus in Eucharistiæ sacramento virtute verbi divini a sacerdote prolati presens esse realiter naturale christi corpus quod de virgine natum est et item naturalem illius sanguinem: neque manere jam amplius substantiam panis et vini neque ullam aliam substantiam quam Christi Dei et hominis. Unde eucharistiam sancte a nobis adorari sive in missa sive extra missam certa fide tenemus in qua missa vivificum esse Christi sacrificium tam pro vivis quam pro mortuis propitiabile communionemque sub utraque specie ad salutem necessariam non esse asseveramus: potestatemque consecrandi corpus et sanguinem Christi esse concessam solis sacerdotibus secundum ecclesiæ catholicæ ritum legitime a christo ordinatis. 9. Credimus matrimonium inter Christianos legittime contractum esse indissolubile qualiscumque fuerit alter conjugum, sive adulter, sive sterilis, sive hereticus. 10. Credimus unam esse in terris catholicam Christi ecclesiam eamque visibilem quæ a tempore apostolorum ad nostram ætatem durans in his quæ fidei sunt et religionis non potest errare, hereticisque schismaticis et excommunicatis et ab hac ecclesiæ unitate alienis et avulsis nullam superesse salutem. Unumque esse sub Christo summum pastorem cui omnes obedire tenentur, summamque hanc præposituram Divum Petrum verum in terris Christi vicarium et generalem totius Christi familiæ pastorem primum omnium gessisse, post petrum vero ex Christi institutione omnes deinceps Romanos pontifices Petri in cathedra successores. 11. Sanctos cum Christo agentes nos pie posse et debere venerari eosdemque invocare ut pro nobis orent atque nostros preces et vota ab illis percipi et eorum nos precibus juvari confitemur et agnoscimus. 12. Reliquias Martirum et loca in eorum honorem consecrata pie et Religiose a christianis venerari et invisi posse affirmamus. Imaginum quoque usum ferendum et hominibus fructuosum esse fatemur. 13. Credimus post hanc vitam esse purgatorium in quo animæ defunctorum purgantur, pœnaque ad huc peccatis debita exsolvitur, sanctumque et salubre esse pro defunctis exorare, nostrasque preces, elemosinas, jejunia et opera alia pia maxime autem altaris sacrificium illis multum prodesse persuasissimum habemus. 14. Credimus pium esse vota Deo vovere quæ ubi jam facta et expressa fuerint voventes coram Deo obligare et evangelicæ libertati non adversari asserimus. 15. Detestamur insuper omnes errores Zuinglii, Ecolampadii, Lutheri, Calvini, Buceri et omnia alia sive recentium sive pristorum hereticorum adulterina et pestifera dogmata, quæ sane scripturarum intelligentiæ, orthodoxæ fidei, et catholicæ Christi ecclesiæ adversantur et repugnant. Hæc omnia nos credere et coram Deo sentire profitimur hancque nostram fidem manuum nostrarum subscriptionibus testificamur contrariamque doctrinam detestamur. Anno Dni 1555 primo Aprilis. Hucusque ex Achademia hi solum subscripserunt articulis, retro subscribendis. 26 Julii 1555. Qui autem ex gremialibus non subscripserunt hactenus videre licebit in altera schedula. Galfr. Trygan Bach. Theologic. Rol. Swynborne Laur. Mapted Edm. Poynte Rich. Rudde Tho. Merell Tho. Pecoke Bach. in Jure Canco. Joan. Fayrhar Bach. in Jure Cicli Tho. Ewhange Edw. Ridge. Questionista Joan. Hammonde Rob. Scrope Non Regentes Joan. Parkyn Christ. Tatam Regentes Tho. Bayley Greg. Garthe Henr. Barley Rob. Graye Edw. Taylor Bernard Mason |