Catalogum Bibliothecae publicae Daventriensis, auctoritate Amplissimorum Curatorum Athenaei Illustris, anno 1832 conscripsit primum vir plurimum venerandus P. C. MOLHUIJSEN, hac de re egregie meritus. Deinde vero librorum copia, nullo non tempore emtis qui utilitate valerent, munerique acceptis, tam ex privata liberalitate, quam ex publica civitatis munificentia, talia cepit incrementa, ut ad appendices mox esset confugiendum. Quae, ubi jam quinque majoris minorisve molis erant numero, librorum multitudine quotidie accrescente, nemo non sentiebat, tot appendices, quantopere essent usu molestae parumque praesidi, nemo non librorum recensionem integram, denuo instituendam, vehementer desiderabat.

Huic desiderio obviam venerunt Curatores providi, qui viro doctissimo C. A. ENGELBREGT, tunc Bibliothecae praefecto, hodie Amstelodami professori, mandarunt, ut alteram partem priori adderet.

437

VI

Novo labore acriter deinceps arrepto, manuscriptum jam magna ex parte erat absolutum primaeque schedulae typis erant expressae, quum, auctore alio munere functuro ab inchoatis avocato, ei qui successit in deserta provincia contigit laborem, quo cessatus jacebat, suscipere, persequi et ad finem perducere.

Tantam vero fortunae vicissitudinem operi haud parum fuisse detrimento ultro liquet. Etsi qui rem absolvit totus in eo fuit, ut vestigia premeret Duumvirorum, qui ante ipsum bibliothecae praefuerunt, neminem latebit, qui attentius haec scripta perlustraverit, in is redigendis aliam apparere manum quae absolvit, aliam quae instituit.

Quodsi, qui nunc in lucem prodit catalogus nihilominus prudentium virorum suffragiis haud indignus censeatur, hujus aequa laus referatur ad eundem, quem memoravimus, virum clar. ENGELBregt. Sed prae ceteris gratiae sunt habendae viro gravissimo doctissimo A. M. LEDEBOER, e Curatoribus Athenaei Illustris, qui in catalogo conscribendo benevolentissime adjuvit, idemque singularem bibliographiae scientiam studiumque humanitatis proposito adhibens, ubicunque bibliothecae nostrae agitur causa, praesens adesse pergit.

Caeterum benevolus lector facile perspiciet, quae nunc editur partem, ordinis et divisionis ratione habitâ, ad normam esse redactam, priori plane eandem, quod quidem consilium ipsa rei natura suadebat. Quae igitur in praefatione prioris partis leguntur animadversiones, eaedem valent et in hunc subsequentem laborem. Quo tandem peracto speramus ut vacuum, in dies magis magisque patens et molestius ferendum, denuo repletum habeatur.

Non tamen possumus, quin hoc loco publicas tribuamus laudes omnibus, qui, quanta sint in rem nostram librariam beni

VII

gnitate, ingenue significavere. Inprimis hic celebranda Virorum, qui civitatem nostram regunt, spectatissimorum insignis liberalitas, qua quidem ad novum instruendum aedium apparatum, quo librorum thesaurus digniori theatro exciperetur aptiusque dispositus facilius adiretur, magnos impendere sumtus non recusarunt. Hujus autem melioris instituti consilium atque rationem viris Nobilissimis Curatoribus accepta esse referenda grati recordamur, qui iidem Bibliothecae interno momento, quoad ejus per opes liceat, candidissime providere, patronique meritissimi existere, nullo non tempore sunt reperti.

Tot tantisque benevolentiae documentis amplificata hujus urbis Bibliotheca pretiosa dignissima quidem est, quae magis magisque frequentia gaudeatur literarum disciplinarumque amantium, quibus ut in commodum cedat hoc catalogi additamentum, vehementer optamus.

W. B. J. v. E.