Ceterum ex superiorum Conciliorum disciplina institutoque decernimus, quod, si forte contigerit, aliquos debito in loco, non sedere, et sententias etiam sub verbo placet proferre, Congregationibus interesse, et alios quoscumque actus facere, Concilio durante, nulle propterea præiudicium generetur, nullique novum ius acquiratur (1).

V.

De Iudicibus excusationum et querelarum.

Quo graviorum rerum pertractatio, quæ in hac sacrosancta Synodo agi gerive debent, minus quam fieri possit, impediatur, aut retardetur ob cognitionem causarum, quæ singulos respiciunt: statuimus ut ipsa Synodus per schedulas secretas quinque ex Concilii Patribus eligat in Iudices excusationum, quorum erit procurationes et excusationes Prælatorum absentium, necnon eorum postulata, qui, Concilio nondum dimisso, iustam discedendi causam se habere putaverint, excipere, atque ad normam conciliariis disciplinæ et SS. Canonum expendere: quod cum fecerint, non quidquam de hisce rebus decernent, sed de omnibus ad Congregationem generalem ordine referent. Præterea statuimus, ut eadem Synodus pariter per schedulas secretas, alios quinque ex Patribus eligat, in Iudices querelarum et controversiarum.

Hi porro controversias omnes circa ordinem sedendi, vel ius præcedendi, aliasque, si quæ forte inter congregatos oriantur, iudicio summario atque economice, ut

(1) Conc. Trid., sess. 2, decret. De modo vivendi, § insuper.

aiunt, ita compponere studebunt, ut nulli præiudicium inferatur: et quatenus componere nequeat, eas Congregationis generalis auctoritati subiicient.

VI.

De Officialibus Concilii.

Quod vero et illud magni refert, ut necesarii ac idonei ministri et officiales, iuxta conciliarem consuetudinem et disciplinam, omnibus in hac Synodo actibus rite et legitime perficiendis designentur, Nos huiusmodi ministerium rationem habentes, infrascriptos viros ad ea deligimus et nominamus, scilicet:

1. Generalis Concilii custodes, dilectos filios Ioannem Columna et Dominicum Orsini, romanos principes Pontificio nostro Solio adsistentes.

2.° Concilii secretarium, Venerabilem Fratrem Iosephum, Episcopum S. Hyppoliti, eique adiicimus cum officio et titulo subsecretarii, dilectum filium Ludovicum Iacobini e Nostris et huius Apostolicæ Sedis protonotariis, necnon adiutores, dilectos filios canonicos Camillum Santori et Angelum Iacobini.

3. Concilii notarios, dilectos filios Lucam Pacifici, Aloisium Colombo, Ioannem Simeoni, Aloisium Pericoli et Dominicum Bartolini Nostros et huius Apostolicæ Sedis protonotarios, eiusque adiungimus dilectus filios Salvatorem Pallottini et Franciscum Santi, advocatos; qui notariis eisdem adiutricem operam navent.

4. Scrutatores suffragiorum, dilectos filios Aloisium Serafini et Franciscum Nardi causarum Palatii Nostri Apostolici auditores; Aloisium Pellegrini et Leonardum Dialti, Nostræ Cameræ Apostolicæ clericos; Carolum

TOMO III

30

Cristofori et Alexandrum Montani, signaturæ Iustitiæ votantes; Fridericum de Falloux du Coudray, Nostræ cancelleria Apostolicæ regentem, et Laurentium Nina, abreviatorem ex maiore parco. Hi autem octo scrutatores in quatuor distincta paria distributi, ita ad excipienda suffragia procedant, ut bina paria unum Conciliaris aulæ latus, totidemque alterum obeant, præterea singula paria singulos ex notariis secum habere debebunt, dum in munere fungendum versantur.

5." Promotores Concilii, dilectos filios Ioannem Baptistam de Dominicis-Tosti, et Philippum Ralli, S. Consistorii advocatos.

6. Magistros cæremoniarum Concilii, dilectos filios Aloisium Ferrari Antistitem Nostrum domesticum præfectum, et Pium Martinucci, Camillum Balestra, Remigium Ricci, Iosephum Rinaldi-Bucci, Antonium Cataldi, Alexandrum Tortoli, Augustinum Accoramboni, Aloisium Sinistri, Franciscum Riggi, Antonium Gattoni, Balthasarem Baccinetti, Cæsarem Togni, Rochum Massi, Nostros et huius Apostolicæ Sedis cæremoniarios.

7.° Assignatores locorum, dilectos filios Henricum Folchi, præfectum, ac Aloisium Naselli, Edmundum Stonor, Paulum Bastide, Aloisium Pallotti, intimos Nostros cubicularios, et dilectos filios Scipionem Perilli, Gustavum Gallot, Franciscum Regnani, Nicolaum Vorsak et Philippum Silvestri, cubicularios Nostros honorarios.

VII.

De Congregationibus generalibus Patrum.

Ad ea modo curam convertentes, quæ Congregationum generalium ordinem respiciunt, statuimus, ut iis

dem Patrum Congregationibus, quæ publicis sessionibus præmittuntur quinque ex VV. FF. NN. S. R. E. Cardinalibus Nostro Nomine et Auctoritate præsint, et ad hoc munus eligimus et nominamus, Venerabilem Fratrem Nostrum Carolum S. R. E. Cardinalem Episcopum Sabinensem De Reisach nuncupatum, dilectos filios Nostros S. R. E. Presbyteros Cardinales Antoninum, titulo SS. Quatuor Coronatorum De Luca nuncupatum, Iosephum Andream, titulo S. Hieronymi Illyricorum Bizzarri nuncupatum, Aloisium, titulo S. Laurentii in Panisperna Bilio nuncupatum, et dilectum filium Nostrum Hannibalem S. R. E. Cardinalem Diaconum S. Mariæ in Aquiro Capalti nuncupatum.

Hi autem Præsides, præter alia, quæ ad aptam horum Conventum moderationem spectant, curabunt ut in rebus pertractandis initium fiat a disceptatione eorum, quæ ad fidem pertinent; deinde integrum ipsis erit consultationes in fidei vel disciplinæ capite conferre, prout opportunum indicaverint.

Cum vero Nos, iam inde a tempore, quo Apostolicas Litteras ad hoc Concilium indicendum dedimus, Viros Theologos et ecclesiastici iuris Consultos, ex variis catholici orbis regionibus in hanc almam Urbem Nostram evocandos curaverimus, ut una cum aliis huius Urbis, et earumdem disciplinarum peritis viris, rebus apparandis darent operam, quæ ad huius generalis Synodi sco pum pertinent, atque ita expeditior via in rerum tractatione Patribus patere posset; hinc volumus et mandamus, ut schemata decretorum et canonum ab iisdem viris expressa et redacta, quæ Nos, nulla Nostra approbatione munita, integra integre Patrum cognitioni reservavimus, iisdem Patribus in Congregationem generalem collectis ad examen et indicium subiiciantur.

Itaque curantibus memoratis Præsidibus, aliquot ante dies quam Congregatio generalis habeatur, decretorum et canonum schemata, de quibus in Congregatione indicta agendum erit, typis impressa singulis Patribus distribuentur, quo interim 'illa diligenti consideratione in omnem partem expendant, et quid sibi sententiæ esse debeat accurate pervideant. Si quis Patrum de schemate proposito sermonem in Congregatione ipsa habere voluerit, ad debitum inter oratores ordinem pro cuiusque dignitatis gradu servandum, opus erit, ut saltem pridie diei Congregationis ipsius, Præsidibus suum disserendi propositum significandum. Auditis autem istorum Patrum sermonibus, si alii etiam post eos in conventu ipso disserere voluerint, hoc iisdem fas erit, obtenta prius a Præsidibus dicendi venia, et eo ordine, quem dicentium dignitas postulaverit.

Jam vero si in ea quæ habetur Congregatione exhibitum schema vel nullas, vel nonnisi leves difficultates in ipso congressu facile expediendas obtulerit, tunc nihil moræ erit, quominus, disceptationibus compositis, decreti vel canonis Conciliaris, de quo agitur formula, rogatis Patrum suffragiis, statuatur. Sin autem circa, schema prædictum huiusmodi oriantur difficultates, ut, sententiis in contraria conversis, via non suppetat, qua in ipso conventu componi possint, tum ea ratio ineunda erit, quam huic infra statuimus, ut stabili et opportuno modo huic rei provideatur. Volumus itaque, ut ipso Concilii exordio quatuor speciales ac distinctæ Patrum Congregationes seu Deputationes instituantur, quarum prima de rebus ad fidem pertinentibus, altera de rebus disciplinæ ecclesiasticæ, tertia de rebus Ordinum Regularium, quarta demum de rebus ritus orientalis, Concilio perdurante, cognoscere et tractare debe