(GROUP A, 11. 859-3108 in the Six-text edition.)
Iamque domos patrias, Scithice post aspera gentis
[Statius, Theb. xii. 519.]
WHYLOM, as olde stories tellen us,
Ther was a duk that highte Theseus;
Of Athenes he was lord and governour,
And in his tyme swich a conquerour,
That gretter was ther noon under the sonne.
Ful many a riche contree hadde he wonne ;
That with his wisdom and his chivalrye
He conquered al the regne of Femenye,
That whylom was y-cleped Scithia;
And weddede1 the queen Ipolita,
And broghte hir hoom with him in his contree
With muchel glorie and greet solempnitee,
And eek hir yonge 2 suster Emelye.
And thus with victorie and with melodye
Lete I this noble duk to Athenes ryde,
And al his hoost, in armes him bisyde.
And certes, if it nere to long to here,
I wolde han told yow fully the manere,
Cp. Hl. weddede; Cm. weddide; the rest wedded.
E. faire; Pt. yenge; the rest yonge.
Hl. han told yow; E. yow haue toold; the rest haue toold(told).
How wonnen was the regne of Femenye
By Theseus, and by his chivalrye;
And of the grete bataille for the nones
Bitwixen Athenes and the1 Amazones;
And how asseged was Ipolita,
The faire hardy queen of Scithia;
And of the feste that was at hir weddinge,
And of the tempest at hir hoom-cominge;
But al that thing I moot as now forbere.
I have, God woot, a large feeld to ere,
And wayke been the oxen in my plough,
The remenant of the tale is long ynough;
I wol nat letten eek noon of 2 this route,
Lat every felawe telle his tale aboute,
And lat see now who shal the soper winne,
And ther I lefte, I wol ageyn biginne.
This duk, of whom I make mencioun,
When he was come almost unto the toun,
In al his wele and in his moste pryde,
He was war, as he caste his eye asyde,
Wher that ther kneled in the hye3 weye
A compaignye of ladies, tweye and tweye,
Ech after other, clad in clothes blake;
But swich a cry and swich a wo they make,
That in this world nis creature livinge,
That herde swich another weymentinge;
And of this cry they nolde nevere stenten,
Til they the reynes of his brydel henten.
'What folk been ye, that at myn hoom-cominge Perturben so my feste with cryinge?'
1 Hl. the: which the rest omit.
2 Hl. lette eek hon of al; the rest have letten, and omit al. 3 E. om. hye; the rest hye, heighe, hihe, highe, high.
Quod Theseus, 'have ye so greet envye
Of myn honour, that thus compleyne and crye?
Or who hath yow misboden, or offended?
And telleth me if it may been amended;
And why that ye been clothed thus in blak?'
The eldest lady of hem alle spak,
When she hadde swowned with a deedly chere,
That it was rewthe 2 for to seen and here,
And seyde: Lord, to whom Fortune hath yiven
Victorie, and as a conquerour to liven,
Noght greveth us your glorie and your honour;
But we biseken mercy and socour.
Have mercy on our wo and our distresse.
Som droppe of pitee, thurgh thy gentillesse,
Upon us wrecched wommen lat thou falle.
For certes, lord, ther nis noon of us alle,
That she nath been a duchesse or a quene;
Now be we caitifs, as it is wel sene:
Thanked be Fortune, and hir false wheel,
That noon estat assureth to be weel.
And certes, lord, to abyden youre presence,
Here in the temple of the goddesse Clemence
We han ben waytinge al this fourtenight;
Now help us, lord, sith it is in thy might.
I wrecche, which that wepe and waille thus,
Was whylom wyf to king Capaneus,
That starf at Thebes, cursed be that day!
And alle we, that been in this array,
And maken al this lamentacioun,
We losten alle our housbondes at that toun,
1 Cm. eldest; E. eldeste.
3 Hl. or; rest and.
6 E. Hn. Pt. Ln. ne hath.
8 E. crie; Hn. Hl. waille;
2 Ln. rewthe; Cm. reuthe; E. routhe.
7 Cm. Hl. caytifs; E. caytyues. Cm. Cp. Pt. weile.
Whyl that the sege ther-aboute lay.
And yet1 the olde Creon, weylaway!
That lord is now of Thebes the citee,
Fulfild of ire and of iniquitee,
He, for despyt, and for his tirannye,
To do the dede bodyes vileinye,
Of alle our lordes, whiche that ben slawe,
Hath alle the bodyes on an heep y-drawe,
And wol nat suffren hem, by noon assent,
Neither to been y-buried nor y-brent,
But maketh houndes ete hem in despyt.'
And with that word, with-outen more respyt,
They fillen gruf, and cryden pitously,
'Have on us wrecched wommen som mercy,
And lat our sorwe sinken in thyn herte.'
This gentil duk doun from his courser sterte
With herte pitous, whan he herde hem speke.
Him thought that his herte wolde breke,
Whan he saugh hem so pitous and so mat3,
That whylom weren of so greet estat3.
And in his armes he hem alle up hente,
And hem conforteth in ful good entente;
And swoor his oth, as he was trewe knight,
He wolde doon so ferforthly his might
Upon the tyraunt Creon hem to wreke,
That al the peple of Grece sholde speke
How Creon was of Theseus y-served,
As he that hadde his deth ful wel deserved.
And right anoon, with-outen more abood,
His baner he desplayeth, and forth rood
To Thebes-ward, and al his host bisyde;
1 All but Hl. ins. now.
3 E. maat, estaat.
No neer Athenes wolde he go ne ryde,
Ne take his ese fully half a day,
But onward on his wey that night he lay;
And sente anoon Ipolita the quene,
And Emelye hir yonge suster shene,
Un-to the toun of Athenes to dwelle;
And forth he rit; ther is namore to telle.
The rede statue of Mars with spere and targe
So shyneth in his whyte baner large,
That alle the feeldes gliteren up and doun;
And by his baner born is his penoun
Of gold ful riche, in which ther was y-bete
The Minotaur which that he slough in Crete.
Thus rit this duk, thus rit this conquerour,
And in his host of chivalrye the flour,
Til that he cam to Thebes, and alighte
Faire in a feeld, ther as he thoughte fighte.
But shortly for to speken of this thing,
With Creon, which that was of Thebes king,
He faught, and slough him manly as a knight
In pleyn bataille, and putte the folk to flight;
And by assaut he wan the citee after,
And rente adoun bothe wal, and sparre, and rafter;
And to the ladyes he restored agayn
The bones of hir housbondes that were slayn,
To doon obsequies, as was tho the gyse.
But it were al to long for to devyse
The grete clamour and the waymentinge
That the ladyes made at the brenninge
Of the bodyes, and the grete honour
That Theseus, the noble conquerour,
Doth to the ladyes, whan they from him wente;
|