mariam maiorem Anno Incarnationis Dominice Millesimo sexcentesimo septuagesimo Quintodecimo kalendas Aprilis Pontificatus nostri anno primo.1

Breve do papa Clemente X

1671-Maio 8

Clemens Papa Decimus. Ad perpetuam rei memoriam. Eximia dilectissimi in Christo filii nostri Petri Principis Portugalliæ et Algarbiorum Regnorum Gubernatoris erga gloriosissimam cœli Reginam Dei genitricem Virginem Mariam pietas, cum singulari erga nos, et hanc Sanctam Sedem devotione conjuncta promeretur, ut piis ejus votis cum (sic) Domino possumus favorabiliter annuamus. Emanavit siquidem nuper ad preces ejusdem Petri Principis a congregatione venerabilium fratrum nostrorum Sanctæ Romanæ Ecclesiæ Cardinalium sacris ritibus præpositorum, Decretum tenoris qui sequitur, videlicet: Lusitana sacra Rituum Congregatio referente Eminentissimo Domino Cardinale Vidono, et ad preces Serenissimi Principis Portugalliæ per Excellentissimum Dominum Marchionem de Minas ejus Oratorem Sanctissimo porrectas, et per eundem ad eandem Sacram Congregationem remissas approbavit electionem Beatæ Mariæ Virginis sub invocatione Sanctissimæ Conceptionis in particularem, unicam, et singularem Patronam et Protectricem Regnorum Portugalliæ factam per Serenissimam Majestatem Regis Joannis quarti in congressibus et comitiis generalibus Regni celebratis anno millesimo sexcentesimo quadragesimo sexto cum interventu trium Statuum, et propterea declaravit, et concessit de ea tuto fieri posse omnia veris et legitimis Patronis, unicis, et singularibus Regnorum competentia hac die vigesima prima Martii Milsimi (sic) sexcentesimi septuagesimi primi. Cardinalis Antonius Barberinus. Episcopus Prænestinus. Cum autem sicut dicti Petri Principis nomine Nobis per dilectum filium nobilem virum modernum Marchionem de Minas ipsius Petri Principis apud nos, et Sedem prædictam Oratorem subinde expositum fuit, idem

1 ARCH. NAC., Mag. 38 de Bullas, num. 24.

Petrus Princeps Decretum hujusmodi, quo firmius subsistat apostolicæ confirmationis nostræ robore communiri summopere desiderat. Nos specialem ipsi Petro Principi gratiam facere volentes, eumque a quibusvis excommunicationis, suspensionis, et interdicti, aliisque ecclesiasticis sententiis, censuris et pœnis a jure vel ab homine quavis occasione, vel causa latis, si quibus quomodolibet innodatus existit, ad effectum præsentium tantum consequendum, harum serie absolventes, et absolutum fore censentes, supplicationibus ejus nomine Nobis super hoc humiliter porrectis inclinati, Decretum præinsertum auctoritate apostolica tenore præsentium confirmamus et approbamus, illique inviolabilis apostolicæ firmitatis robur adjicimus, salva tamen semper in præmissis auctoritate prædictæ congregationis Cardinalium. Decernentes easdem præsentes litteras semper firmas, validas et efficaces existere, et fore, suosque plenarios et integros effectus sortiri, et obtinere, ac illis ad quos spectat, et pro tempore spectabit plenissime suffragari, sicque in præmissis per quoscumque Judices ordinarios et delegatos, etiam causarum Palatii Apostolici Auditores judicari, et definiri debere, ac irritum et inane si quid secus super his a quoquam quavis auctoritate scienter vel ignoranter contigerit attentari. Non obstantibus constitutionibus, et ordinationibus apostolicis, cæterisque contrariis quibuscumque. Volumus autem, ut ipsarum præsentium litterarum transumptis, seu exemplis, etiam impressis manu notarii publici subscriptis, et sigillo personæ in ecclesiastica dignitate constitutæ munitis, eadem ubique fides in Judicio et extra illud adhibeatur, quæ præsentibus adhiberetur, si forent exhibitæ, vel ostensæ. Datum Romæ apud Sanctam Mariam Majorem sub annulo Piscatoris die octava Maii Millesimi sexcentesimi septuagesimi primi, Pontificatus nostri anno primo.1

1ARCH. NAC., Maç. 38 de Bullas, num. 14.

1

Bulla do papa Clemente X ao Principe Regente

1671-Junho 22

Clemens papa x Dilecte fili Nobilis Vir Salutem et apostolicam benedictionem Hodie Ecclesie de Angola tunc per obitum bone memorie Francisci olim Episcopi de Angola extra Romanam Curiam defuncti pastoris solatio destitute de persona dilecti filii Petri Electi de Angola Nobis et fratribus nostris ob suorum exigentiam meritorum accepta de fratrum eorumdem consilio apostolica auctoritate providimus ipsumque illi in Episcopum prefecimus et pastorem curam et administrationem ipsius ecclesie sibi in spiritualibus et temporalibus plenarie committendo prout in nostris inde confectis literis plenius continetur Nos igitur eundem Petrum Electum suis ita exigentibus meritis paterna benevolentia prosequentes ac cupientes quod ipsa Ecclesia sub eius regimine felicia suscipiat incrementa Nobilitatem tuam rogamus et hortamur attente quatenus eundem Petrum Electum et prefatam ecclesiam sue cure commissam habens pro nostra et sedis apostolice reverentia propensius commendatos in conservandis et ampliandis juribus suis sic eos benigni favoris auxilio prosequaris quod ipse Petrus Electus tue Nobilitatis fultus presidio in commisso sibi cure pastoralis officio possit Deo propitio prosperari ac tibi exinde a Deo perennis vite premium et a Nobis condigna proveniat actio gratiarum Datum Rome apud Sanctam mariam maiorem Anno Incarnationis Dominice Millesimo sexcentesimo septuagesimo primo Decimo kalendas Julii Pontificatus nostri anno secundo.1

1ARCH. NAC., Maç. 38 de Bullas, num. 39.- Sobrescrito: Dilecto filio Nobili Viro Petro Portugallie et Algarbiorum Principi et Gubernatori.

Bulla do papa Clemente X ao Principe Regente

1671-Julho 1

Clemens papa x Dilecte fili Nobilis Vir Salutem et apostolicam benedictionem Hodie Ecclesie Elvensi tunc per obitum bone memorie Emanuelis olim Episcopi Elvensis extra Romanam Curiam defuncti pastoris solatio destitute de persona dilecti filii Joannis Electi Elvensis Nobis et fratribus nostris ob suorum exigentiam meritorum accepta de fratrum eorumdem consilio apostolica auctoritate providimus ipsumque illi in Episcopum prefecimus et pastorem curam et administrationem ipsius ecclesie sibi in spiritualibus et temporalibus plenarie comittendo prout in nostris inde confectis literis plenius continetur Nos igitur eundem Joannem Electum suis ita exigentibus meritis paterna benevolentia prosequentes ac cupientes quod ipsa Ecclesia sub eius regimine felicia suscipiat incrementa Nobilitatem tuam rogamus et hortamur attente quatenus eundem Joannem Electum et prefatam Ecclesiam sue cure commissam habens pro nostra et sedis apostolice reverentia propensius comendatos in conservandis et ampliandis juribus suis sic eos benigni favoris auxilio prosequaris quod ipse Joannes Electus tue Nobilitatis fultus presidio in commisso sibi cure pastoralis officio possit Deo propitio prosperari ac tibi exinde a Deo perennis vite premium et a Nobis condigna proveniat actio gratiarum Datum Rome apud Sanctam mariam maiorem Anno Incarnationis Dominice Millesimo sexcentesimo septuagesimo primo Kalendas Julii Pontificatus nostri anno secundo.1

1 ARCH. NAC., Maç. 38 de Bullas, num. 40.- Sobrescrito: Dilecto filio Nobili Viro Petro Portugallie et Algarbiorum Principi et Gubernatori.

Bulla do papa Clemente X ao Principe Regente

1671-Julho 1

Clemens papa x Dilecte fili Nobilis Vir Salutem et apostolicam benedictionem Hodie Ecclesie Portalegrensi tunc inde usque ab eo tempore quo felicis recordationis Urbanus papa viij predecessor noster bone memorie Joannem tunc Episcopum Portalegrensem a vinculo quo dicte ecclesie cui tunc preerat tenebatur de fratrum suorum consilio apostoliceque potestatis plenitudine absolvens illum ad Ecclesiam Colimbriensem certo tunc expresso modo vacantem de simili consilio apostolica auctoritate transtulerat preficiendo ipsum illi in Episcopum et Pastorem apud sedem eandem pastoris solatio destitute de persona dilecti filii Ricardi Russel Electi Portalegrensis Nobis et fratribus nostris ob suorum exigentiam meritorum accepta de consilio eorundem fratrum nostrorum eadem auctoritate apostolica providimus ipsumque illi in Episcopum prefecimus et pastorem curam et administrationem ipsius ecclesie Portalegrensis sibi in spiritualibus et temporalibus plenarie committendo prout in nostris inde confectis literis plenius continetur Nos igitur eundem Ricardum Electum suis ita exigentibus meritis paterna benevolentia prosequentes ac cupientes quod ipsa Ecclesia Portalegrensis sub eius regimine felicia suscipiat incrementa Nobilitatem tuam rogamus et hortamur attente quatenus eundem Ricardum Electum et prefatam Ecclesiam Portalegrensem sue cure commissam habens pro nostra et sedis Apostolice reverentia propensius commendatos in conservandis et ampliandis juribus suis sic eos benigni favoris auxilio prosequaris quod ipse Ricardus Electus tue Nobilitatis fultus presidio in commisso sibi cure pastoralis officio possit Deo propitio prosperari ac tibi exinde a Deo perennis vite premium et a Nobis condigna proveniat actio gratiarum Datum Rome apud Sanctam mariam maiorem Anno Incarnationis Dominice Millesimo sexcentesimo septuagesimo primo Kalendas Julii Pontificatus nostri anno secundo.1

1 ARCH. NAC., Maç. 39 de Bullas, num. 1.- Sobrescrito: Dilecto filio Nobili Viro Petro Portugallie et Algarbiorum Principi et Gubernatori.