ARGUMENTUM

(UT QUIBUSDAM VIDETUR,)

PRISCIANI.

MERCATOR Siculus, cui erant gemini filii,
E i, surrepto altero, mors obtigit.
Nomen surreptiti indit illi, qui domi est,
A vos paternus, facit Menæchmum Sosiclem ;
Et is germanum, postquam adolevit, quæritat
Circum omnes oras; post Epidamnum devenit;
(Hic fuerat auctus ille surreptitius):
Menæchmum civem credunt omnes advenam,
E umque appellant meretrix, uxor, et socer.

I bi se cognoscunt fratres postremo invicem.

5

10

v. 2. Surrepto. Ult. syll. non elid.-3. B. 1; B. c; et Edd: Vett: illi indit. Transposuit Bo. Confert HARE, Prol. v. 42.4. Paternu'.-7. Ita Vulg. Bo: ex conjectura Acidalii, Huc fuerat ductus. B. 1, et B. c, Hic fuerat auitus. Pro auctus, legit HARE altus, collato Rud. III. IV. 36. [646. B.] "Athenis natus altusque educatusque Atticis."- -8. Transposite leguntur hæc verba in B. 1; B. c.) -10. Pro ibi, B. 1, B. c, Hi, mendose.

ALIUD ARGUMENTUM

CAMERARII.

HUJUS argumentum fabulæ venustum est, et varietate quadam delectabile, quæ de similitudine nascitur geminorum fratrum. Nam Syracusanus quidam, cum ex sua uxore geminos suscepisset liberos, inter se simillimos; et unum ex his abductum secum ad mercatum amisisset: alter non desistendum putavit, dum requisitum illum inveniret. Venit tandem Epidamnum, quæ Illyria urbs Dyrrachium a Romanis appellata fuit. Ibi et ab amica, et uxore, et socero fratris appellatur, quasi ille ipse esset. Tandem post multiplices ludificationes, et nonnullas turbas, agnoscitur uterque a servo: et, re palam facta, servus libertate donatur.

DRAMATIS PERSONE.

PENICULUS, PARASITUS.

MENECHMUS, SURREPTUS.

MENÆCHMUS SOSICLES, GEMINUS HUJUS FRATER.

EROTIUM, MERETRIX.

CYLINDRUS, COQUUS.

MULIER, MENÆCHMI SURREPTI UXOR.

MESSENIO, MENECHMI SOSICLIS SERVUS.

ANCILLA, EROTII SERVULA.

SENEX, MENACHMI SURREPTI SOCER.

MEDICUS.

LORARII.