BACCALAUREUS MEDICINE.

BACCALAUREUS medicinæ respondebit bis semelque opponet anatomias tres aut ad minimum duas videbit antequam admittatur ad doctoratum medicinæ.

DOCTOR MEDICIN Æ.

POST SOLENNEM disputationem et inaugurationem suam medicari licite poterit in omni medicandi genere. Magister artium quinquennium rei medicæ dans operam postquam bis doctori in eadem facultate responderit semelque opposuerit publice poterit fieri doctor medicinæ.

ORDO DISPUTATIONUM hic est. Inter sophistas veterrimus se responsorem exhibebit et ordine sequentur alii juniores ad finem illius anni. Primus dies termini erit decimus octobris. Non respondebit nisi qui secundum annum explevit. TRES PRINCIPES quæstiones proponat unam in mathematicis alteram in dialecticis tertiam in philosophicis naturalibus aut moralibus quas triduo ante affiget valvis scholæ suæ. Cæteri contra disputanto. UBI RESPONSOR hæsitaverit moderator alter si possit modum dissolvito. Tempora earum disputationum erunt diebus lunæ martis mercurii jovis et veneris a prima post meridiem ad tertiam. Schol moderator per singulas disputationes tres suo arbitrio permittat vetustatis ordine argumenta respondenti proponere præter principalem disputatorem.

BACCALAUREORUM DISPUTATIONES.

BACCALAUREORUM disputationes fiant die veneris a nona ad undecimam si nulla tunc magistrorum disputatio sit tunc enim. fiet ab hora prima ejusdem diei usque ad tertiam. Respondebit non nisi baccalaureus secundi anni. Incipiat veterrimus et ordine reliqui sequentur. Contra disputabit unus suo ordine cui scholæ moderator adjunget quatuor aut plures pro suo arbitrio in singulis disputationibus qui argumenta respondenti objiciant.

DECLAMATIONES BACCALAUREORUM.

BACCALAUREORUM declamationes erunt diebus sabbati ab hora octava ad nonam ante meridiem. Prima vero hebdomada duo ordine baccalaurei unum thema tractabunt cujus contrariam partem duo alii defendent hebdomada sequenti.

MAGISTRORUM ARTIUM DISPUTATIONES.

MAGISTRORUM artium disputationes erunt quemadmodum antea esse solebant et durabunt eorum disputationes ab hora nona ante meridiem ad undecimam et singuli magistri artium ad eas cogentur quoad tertium post inaugurationem suam annum expleverint post quod tempus non-regentes erunt et hac soluti cura inter theologos jureconsultos aut medicos disputabunt.

THEOLOGORUM DISPUTATIONES.

THEOLOGICA disputatio bis ad minus singulis terminis celebrabitur viz. tertio die jovis et septimo aut alio judicio cancellarii assignando. Disputatio durabit ab hora prima usque ad quartam. Duæ conclusiones tractabuntur Præco collegia triduum ante disputationem publice commonefaciet ut disputatores suppeditent et eosdem disputatores nominatim evocabit.

Primo

COLLEGIUM REGIUM unum.

Deinde

COLLEGIUM TRINITATIS unum

Post

COLLEGIUM DIVI JOHANNIS unum

Post

COLLEGIA REGINE PEMBROKE et CATHERINE unum.

Post

COLLEGIA PETRI CHRISTI et MAGDALENE unum.

Postremo

COLLEGIA JESU GONVILL et CAII BENEDICTI et CLARE unum.

Altero die COLLEGIUM TRINITATIS inchoabit et ita circulo quoad quodque collegium primum sit et postremum. Singulis vero disputationibus tres ab his collegiis aut collegiorum copulationibus replicatores aut disputatores adsint Magistri artium replicabunt eo ordine quo fuerint inaugurati in academia. Si quod collegium neglexerit mulctetur sex solidis eorum duobus procuratoribus duobus respondenti et totidem præconibus numerandis. Si quis cupiens cooptari in ordinem baccalaureorum aut doctorum theologiæ non responderit nec opposuerit secundum ordinem supra præscriptum in eisdem statutis is nihilominus poterit baccalaureus fieri si semel doctori responderit et publice unam concionem ad clerum et alteram ad populum habuerit et infra annum post gradum susceptum unam ad crucem divi Pauli. Et post baccalaureatum idem poterit esse doctor si semel doctori responderit et unam concionem ad clerum habuerit in academiæ templo ante ejus admissionem et alteram ad crucem divi Pauli infra annum sequentem.

JURISCONSULTORUM DISPUTATIONES.

JURIS CIVILIS disputatio fiet sexto die jovis in unoquoque termino aut alio ad assignationem cancellarii. Disputabit regius prælector aut doctor aliquis ejus facultatis: respondebit qui pro forma locum petit aut ejus defectu aliquis eorum qui juri civili dant operam secundum ordinem senioritatis suæ et auditores duo regii professoris in eadem facultate opponent ubi videbitur prælectori aut doctori disputanti. Responsores et disputatores sumentur ex aula Trinitatis et ex aliis collegiis de numero eorum qui privilegiis studii juris civilis uti volunt modo doctores non sunt sub pœna ejusdem quæ prædicitur mulctæ. Hi duas ad minimum horas in disputatione permanebunt. Hæ disputationes ut rite ordine et perpetuo fiant aula Trinitatis providebit et collegia eo ordine quem ante posuimus. Et si desiderabuntur responsor aut disputatores eadem mulcta imponetur collegiis quam ante nominavimus.

MEDICORUM DISPUTATIONES.

MEDICINA disputationem habebit nono die jovis in quoquo termino aut alio ad voluntatem procancellarii. Disputabit prælector regius aut aliquis doctor respondebit qui pro forma locum petit aut ejus defectu aliquis eorum qui medicinæ dant operam secundum ordinem senioritatis suæ et auditores duo regii professoris in eadem facultate opponent.

FACULTATUM OMNIUM DISPUTATIONES.

DUE THESES vel conclusiones omnium harum disputationum triduo ante diem destinatum disputationi scholarum publicarum valvis et cathedræ disputantis a respondente affigantur et ad professores earundum scientiarum atque ad procuratores et præcones die sabbati disputationem præcedenti adducantur submulcta duorum solidorum eidem infligenda quæ præconibus cedet. Et si tempore suo responsor desit nec facit officium suum mulctabitur xx, quorum triens unus academiæ alter triens procuratoribus tertius præconibus cedet.

NULLUS SCHOLARIS quocunque gradu et nomine censeatur ullam publicam lectionem ejus professionis cui destinatus est omittat sed a principio usque ad finem quiete et attente audiat nullaque ejus excusatio admittatur nisi infirmitatis aut alterius urgentissimæ necessitatis prius vel post intra triduum per absentem a lectione ultro alleganda et per cancellarium vel procuratores probanda. Qui huic ordinationi non paruerit is si ex aula aliqua vel collegio communas perceperit pro prima vice pretium communarum unius diei pro secunda trium pro tertia unius hebdomadæ pro quarta duarum hebdomadarum persolvat. Quod si alicujus negligentia et contumacia longius processerit pro arbitrio domino cancellarii puniatur. Magister præses aut præpositus cujusque aulæ sive collegii hanc mulctam ad denunciationem et petitionem cancellarii ab eo qui peccaverit exigito et persolvito dividendam æqualiter inter academiam procuratores et præcones ut supra.

DE ELECTIONE PROCURATORUM ET SCRUTATORUM.

PROCURATORUM et scrutatorum electio postridie Dionysii erit quo tempore procuratores scrutatores et taxatores anni præteriti munere suo se abdicabunt et confestim postquam illi ab hoc munere discesserint sine ulla intermissione ad electionem novorum procedatur ad hunc modum. Cancellarius duobus magistris artium regentibus senioribus assumptis in scrutinio stabit et illi sua ipsorum scripta suffragia primi ferent deinde omnium aliorum regentium scripta suffragia accipient quæ senior magister aperte et separatim leget illique procuratores erunt quos major pars præsentium suffragiis suis elegerit. Procuratores electi syngraphas cancellario dabunt de solvendo regio vectigali reliquaque percunia seneschallo bedellisque pendenda pro liberatione academiæ. Et cancellarius syngraphas non reddet donec procuratores sufficientes acquietantias in publicam academiæ cistam intulerint. Eodem tempore a non-regentibus elegantur duo non-regentes ad officium scrutatorum. Stabunt in scrutinio jurati per cancellarium duo seniores doctores non-regentes aut eorum defectu duo baccalaurei in theologia aut in eorum absentia duo seniores non-regentes qui sua et aliorum omnium non-regentium vota et suffragia accipient et senior electos per majorem partem præsentium aperte pronunciet: qui jurati per cancellarium scrutatorum officio per illum annum gaudebunt.

DE OFFICIO PROCURATORUM.

PROCURATORES academiæ publicis disputationibus theologorum jurisconsultorum medicorum et magistrorum artium intererunt et convenientem et decorum ordinem conservandum curabunt et quamdiu quisque contra disputabit præscribent. Exordia longa argumenta nugatoria quæ magnum disputationibus afferunt detrimentum præcident et providebunt ut omnes qui præsto esse tenentur adsint nec sine legitima et approbata causa aut venia impetrata discedant eosque qui contra faciunt primo tempore quatuor denariis secundo duodecim tertio viginti quarto graviori pœna mulctabunt. Si gravior illi qui mulctatur mulcta esse videbitur ad cancellarium provocatio esto.