Proclamatioun that nane transport the Clangregour over Lochlung and utheris loichis.-Forsamikle as the Kingis Majestie having given ordour and directioun for persute of the rebellious and barbarous thevis and lymmaris callit the Clangregour be quhom the peceable subjectis of the incuntrey ar havelie opprest troublit and wrackit and the executioun of the service being now in handis and some goode and happy succes expectit in that eirand it is verye liklie that the saidis thevis according to their wounted maner when as formarlie they wer persewit sall have their recourse to the louchis of Lochlung Lochegoyll and Lochlowmound and thair having the commoditie to be transportit to and fra the saidis loichis

they will frustrat and disappoint the intendit service aganis thame Thairfoir the Lords of Secret Counsaill Ordanis letteris to be direct To command charge and inhibite all and sundrie his Majesties lieges and subjects awnaris of the boittis and scouttis upoun the saidis loichis That nane of thame presome nor tak upoun hand to transporte ony of the Clangregour thair wyffis bairnis servandis or gudis over the saidis loichis upoun whatsomever cullour or pretense under the paine to be repute haldin and estemit as favouraris assistaris arte and parttakaris with the saidis Clangregour in all thair thevishe and wicked deidis, and to be persewit and punist thairfoir with all rigour in example of others, &c. &c.

Proclamatioun for concurring with the Commissionaris aganis the Clangregour.-Forsamekle as the Kingis Majestie and Lordis of Secreit Counsaill having past and exped certane commissions to some speciall barones and gentlemen in the Lennox for the persute of the wicked and rebellious thevis and lymmaris callit the Clangregour be quhome the peceable and goode subjectis within the Lennox ar havelie opprest troublit and wrackit and proclamatioun being past and lauchfullie execute for chargeing of the inhabitants within the scherefdom of Dunbartane to concur with his Majesties Commissionaris in the execution of his heynes service aganis the saidis lymmaris The saidis inhabitantis does notwithstanding refuse all concurrence and assistance with his Majesties Commissionaris sua that the executioun of his Majesties service is lyke to be frustrat and disapointit without remeid be providit Thairfoir the Lordis of Secreit Counsail hes declairit and be thir presentis declairis and ordanis That the escheitis of all and sundrie personis within the boundis of the scherefdom of Dumbartain quho sall refuse to gif thair concurrence and assistance to his Majesties Commissionaris foirsaidis in the execution of his Majesties service aganis the Clangregour salbe gifted and disponit to the saidis Commissionaris, and thay sall haif warrand Commission and auctoritie from the saidis Lordis to mell and intromett thairwith and to dis

pone thairupon at thair plesour And ordanis letteris of publication to be direct heirupon whairthrow nane pretend ignorance of the same.

Apud Edinburgh 24 die mensis Septembris 1610.

Charge anent the Housis of Garth Glenlyoun and Balquhidder.-Forsamikle as for the better furtherance of the Kingis Majesties service aganis the Clangregour Necessair it is that the houses of Garth Glenlyoun and Balquhiddir be maid patent and reddy to Allan Cameron of Lochyell and Allaster Mc Rannald of Gargavay tua of his Majesties Commissionaris specialie imployed and directit in that service for the ressett of thame thair vivers and servandis at all suche tymis as they sall haif occasioun to repair to the saidis houses during the tyme that the service foirsaid is in handis Thairfor ordanis letteris to be direct chargeing John erle of Tullibarden Campbell of Glenlyon Sir William Steuart Knicht and all utheris havearis keiparis aud detenaris of the saidis housis To mak the same housis patent and reddy for ressaving of the saidis Commissionaris thair servandis and viveris &c. &c.

The quhilk day in presence of the Lordis of Secret Counsaill Compeirit personallie John Erll of Tullibardin William Lord Murray his soue Hary Lord Sanct Colme S Duncan Campbell of Glenurquhy

knyght Alexander Colhoun of Luss St George Buquhannane of that Ilk James Campbell of Lawers and Andro McFarlane of Arroquhair and undertooke the service aganis the Clangregour and promeist to go to the feildis and to enter in actioun and bloode with thame betuix and the xiij day of february nixt and to prosequute that service for ane moneth thairefter upoun thair awin charges, and fra that furth the Kingis Majestie to beir the charges of ane hundreth men to assist thame and thay to beir the chargeis and expensis of ane uther hundreth men till the service be endit, and that thay sall do some notable service aganis the Clangregour afoir his Majestie be burdynnit with ony chargeis in this service.

For the better furtherance of the quhilk service Alexander Erll of Linlithgow and James Erll of Perth promeist aither of thame to furneis fyftene men weill armed on thair awin chargeis, quhilk men sall joyne in action at the first with his Majesties saidis Commissionaris and assist thame for the space of the said first moneth and thairefter his Majestie to beir the ane half of thair chargeis and the saidis twa Ellis the other half of thair chargeis.

The quhilk day Compeirit personallie

Campbell of Lundy for

the cuntrie of Argyle and Alexander Meinzies of Weyme Sir James Steuart of Balleachane and Johne Steuart Neilsoun for the cuntrey of Atholl and promeist to gaird the saidis cuntreyis and to keepe the McGregouris furth thairof.

The Lordis Ordanis a missive to be written to the Marques of Huntlie to sett oute watcheis and people to gaird Badyenauch that the McGregours haif no resett thair and that ane uther letter be written to the Laird of Grant to keepe his boundis free of thame.

The Lordis Ordanis ane missive to be written to Duncan Campbell Captane of Carrick to remove the haill boittis oute of Lochlung and Lochegoyll to the effect the Clangregour haif no passage be these Lochis.

Forsamekle as this rebellioun and proud contempt of his Majesties royall authoritie professit and avowed be the rebellious thevis and lymmaris callit the Clangregour who so lang has continewit in committing of bloode thift reiff and oppressioun upon the Kingis Majesties peaceable and goode subjectis, having most justlie procurit his Majesties havie wraithe and indignatioun and the force and severitie of his royall power to be execute aganis thame whilk his Majestie hes resolvit to prosequute whill thay be reduceit to obedience; yitt his Majestie in his accustomat disposition to clemencie and mercye being weele willing to showe favour to suche of thame who be some notable service sall giff proofe and testimonye of the haitrent and detestatioun which thay haif of the wicked doings of that unhappie race and wilbe content to leve heirefter under the obedience of his Majesties lawis, his Majestie knowing perfitlie that a grite many of thame who are now imbarqued in that rebellious Societie and fellowship haif rather beine induceit thairunto be the crueltie of the Chiftanes and ringleidaris of the same Societie then be ony dispositioun and inclinatioune of thair awne THAIRFOIR the Lordis of Secreit Counsaill hes promittit and be thir presentis promittis and promissis That whatsomevir person or persones of the name of McGregour who sall slay ony persone of the same name being of als good ranke and qualitie as him self and sall prove the same slaughter befoir the saidis Lordis That everie suche persone slayar of ane McGregour of the rank and qualitie forsaid sall haif ane free pardoun and remissioun for all his bygane faultis, he finding suirtie to be ansuerable and obedient to the Lawis in tyme comeing; And siclike that whatsomever uther persone or personis will slay ony of the particular personis underwritten Thay ar to say Duncan McEwne McGregour now callit the Laird, Robert abroch McGregour, Johne Dow McAllaster McGregour, Callum McGregour of Coull, Duelchay McGregour and McRobert McGregour his bruther or ony utheris of the rest of that race, That everie suche persone slayar of ony of the personis particularlie abonewritten or ony utheris of that race sall haif ane reward